អគ្គនាយកដ្ឋាន ក.ប.ប រៀបចំកិច្ចប្រជុំថ្នាក់ដឹកនាំ អគ្គនាយកដ្ឋានប្រចាំសប្ដាហ៍ ក្រោមអធិបតីភាពឯកឧត្ដម ផាន អូន
ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៅថ្ងៃទី២៣ ខែមករា ឆ្នាំ២០២៣ បានរៀបចំកិច្ចប្រជុំថ្នាក់ដឹកនាំ អគ្គនាយកដ្ឋានប្រចាំសប្ដាហ៍ ក្រោមអធិបតីភាពឯកឧត្ដម ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. និងមានការចូលរួមពីឯកឧត្ដម លោក អគ្គនាយករង ប្រធាននាយកដ្ឋាន ឯកឧត្ដម លោកជំទាវ អនុប្រធានននាយកដ្ឋាន លោកប្រធានសាខា ក.ប.ប. រាជធានីភ្នំពេញ និងសហការី ។
របៀបវារៈនៃកិច្ចប្រជុំនេះរួមមាន៖
១. មតិស្វាគមន៍ និងវឌ្ឍនភាពការងាររបស់អគ្គនាយកដ្ឋាន ក.ប.ប. មានដូចជា ១- ថ្នាក់ដឹកនាំ និងមន្រ្តី នៅថ្នាក់កណ្ដាល សាខា ក.ប.ប. រាជធានីភ្នំពេញ សាខា ក.ប.ប. ខេត្តព្រះសីហនុ បានបំពេញនីតិវិធីសម្បថដើម្បីផ្ដល់នីតិសម្បទាជានគរបាលយុត្តិធម៌ ចំនួន ១៧៩រូប ក្នុងចំណោមចំនួន ៤០៦ រូប និង២- សេចក្ដីព្រាងប្រកាសអន្តរក្រសួងចំនួន ២ ក្រោមច្បាប់ស្ដីពីសុវត្ថិភាពម្ហូបអាហារ និងច្បាប់ស្ដីពីការប្រកួតប្រជែង ត្រូវបានដាក់ស្នើសុំហត្ថលេខា។
២. របាយការណ៍វឌ្ឍនភាពការងារ និងផែនការអនុវត្តបន្តរបស់នាយកដ្ឋានជំនាញទាំង៦។
៣. បទអន្តរាគមន៍របស់ឯកឧត្ដម លោក អគ្គនាយករងទទួលបន្ទុកនាយកដ្ឋាន។
៤. មតិបូកសរុប និងអនុសាសន៍របស់ឯកឧត្ដមប្រតិភូ ប្រធានអង្គប្រជុំ។
៥. បញ្ហាផ្សេងៗ។
