ឯកឧត្តម ខាន់ ម៉ាណេរ អញ្ជើញប្រារព្ធពិធីបញ្ចុះបឋមសិលាសាងសង់ព្រះវិហារ វត្តរស្មីសង្សារបញ្ញាវិសុទ្ធ ស្ថិតនៅភូមិរស្មីសង្ហារ ស្រុករតនមណ្ឌល ខេត្តបាត់ដំបង
ភ្នំពេញ៖ ប្រតិបត្តិតាមអនុសាសន៍ ដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី ប្រធានក្រុមការងារចុះមូលដ្ឋានខេត្ត បាត់ដំបង និងព្រៃវែង និងនិងលោកជំទាវ ឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងារក្រឡាហោមមនុស្សធម៌ នាព្រឹកថ្ងៃទី១៥ ខែមករា ឆ្នាំ២០២៣ បានអញ្ជើញប្រារព្ធពិធីបញ្ចុះបឋមសិលាសាងសង់ព្រះវិហារ វត្តរស្មីសង្សារបញ្ញាវិសុទ្ធ ស្ថិតនៅភូមិរស្មីសង្ហារ ឃុំរស្មីសង្ហារ ស្រុករតនមណ្ឌល ខេត្តបាត់ដំបង។
ពិធីនេះមានការអញ្ជើញចូលរួមពីឯកឧត្តម ច័ន្ទ សុផល អ្នកតំណាងរាស្រ្តមណ្ឌលបាត់ដំបង ឯកឧត្តម ព្រួញ រិទ្ធថា ទីប្រឹក្សាសម្ដេចក្រឡាហោម និងជាប្រធានមន្ទីរសាធារណការ និងដឹកជញ្ជូន ខេត្តបាត់ដំបង ព្រមទាំងឯកឧត្តម លោកជំទាវ អស់លោក លោកស្រីជាសមាជិកក្រុមការងារ ពុទ្ធបរិស័ទចំណុះជើងវត្ត គណៈកម្មការអាចារ្យវត្ត និងអជ្ញាធរឃុំមូលដ្ឋានជាច្រើនរូបទៀត។
អំណោយសម្តេចក្រឡាហោម ស ខេង និងលោកជំទាវ ញ៉ែម សាខន ស ខេង ដែលបានប្រគេននាឱកាសនោះ រួមមាន៖ ស៊ីម៉ងត៍២០តោន ថវិកា៥លានរៀល ព្រមទាំងសម្ភារៈ និងទេយ្យទានមួយចំនួនទៀត។ ជាមួយគ្នានេះ ក្រុមការងារក្រឡាហោមមនុស្សធម៌ ក៏បានជូនតាជីយាយជីចំនួន៥០នាក់ ដោយម្នាក់ទទួលបានក្រណាត់ស១ដុំ ថវិកា២ម៉ឺនរៀ និងសិស្សានុសិស្ស ១៦០នាក់ ទទួលបានសៀវភៅប៊ិច និងថវិកា៥ពាន់រៀល។
នាឱកាសនោះដែរ ឯកឧត្តម ខាន់ ម៉ាណេរ ក៏បានជម្រាបជូននូវសេចក្ដីផ្ដាំផ្ញើសួរសុខទុក្ខពីសម្តេចតេជោ ហ៊ុន សែន និងសម្ដេចក្រឡាហោម ប្រគេន និងជូនព្រះសង្ឃ ពុទ្ធបរិស័ទ និងប្រជាពលេដ្ឋ។ ប្រជាពលរដ្ឋក៏បានគោរពផ្ដាំផ្ញើនូវពាក្យពេចន៍ជូនសព្វសាធុការពរសម្ដេចតេជោ និងសម្ដេចក្រឡាហោម ពិសេសក្នុងឱកាសចម្រើនជន្មាយុសម្ដេចក្រឡាហោម ៧២ ឈានចូល ៧៣ឆ្នាំ នាថ្ងៃទី១៥ ខែមករា ឆ្នាំ២០២២នេះ ៕
