អ៊ូសបេគីស្ថាន៖ ការស្លាប់កុមារចំនួន ១៨ នាក់ទៀត ជាប់ទាក់ទងនឹងថ្នាំក្អក

បរទេស÷ក្រសួងសុខាភិបាលនៃប្រទេសអ៊ូសបេគីស្ថានបានអះអាងថា កុមារ ១៨ នាក់ក្នុងចំណោម ២១ នាក់ដែលមានជំងឺផ្លូវដង្ហើមស្រួចស្រាវបានស្លាប់បន្ទាប់ពីលេបថ្នាំ Doc-1 Max ដែលផលិតដោយក្រុមហ៊ុនផលិតឱសថឥណ្ឌា Marion Biotech ខណៈដែលក្រុមហ៊ុនឱសថឥណ្ឌាផ្សេងទៀតក៏ត្រូវបានផ្សារភ្ជាប់ទៅនឹងការស្លាប់ស្រដៀងគ្នា ៧០ នៅក្នុងប្រទេសហ្គាំប៊ីផងដែរ។

ផលិតកម្មត្រូវបានបញ្ឈប់ ខណៈពេលដែលការស៊ើបអង្កេតកើតឡើង អ្នកតំណាងផ្នែកច្បាប់បានបញ្ជាក់ – ខណៈដែលអាជ្ញាធរ Uzbek បានព្យួរបុគ្គលិក ៧ នាក់សម្រាប់ការធ្វេសប្រហែសក្នុងការវិភាគការស្លាប់។

រដ្ឋាភិបាលនៃប្រទេសឥណ្ឌាមានការព្រួយបារម្ភអំពីឥទ្ធិពលលើកេរ្តិ៍ឈ្មោះរបស់ខ្លួនជា “ឱសថស្ថាននៃពិភពលោក” ហើយបានប្រាប់អង្គការសុខភាពពិភពលោកថា ទឹកស៊ីរ៉ូត្រូវបានផ្សារភ្ជាប់ទៅនឹងឧបទ្ទវហេតុនេះ។