ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងនាមជាម្ចាស់ផ្ទះនាយប់ថ្ងៃទី១២ ខែវិច្ឆិកា ឆ្នាំ២០២២នេះ លោកបានរៀបចំពិធីលៀងសាយភោជន៍ជូនបណ្ដាថ្នាក់ដឹកនាំប្រទេសសមាជិកអាស៊ាន និងមេដឹកនាំបណ្ដាប្រទេស ដែលបានអញ្ជើញមកចូលរួមកិច្ចប្រជុំកំពូលអាស៊ាន លើកទី៤០ និងទី៤១ និងកិច្ចប្រជុំកំពូលពាក់ព័ន្ធ។
សូមគូសបញ្ជាក់ថា អង្អប្រជុំកំពូល ដែលកម្ពុជាធ្វើជាម្ចាស់ផ្ទះ ធ្វើឡើងចាប់ផ្តើមពីថ្ងៃទី១០ ដល់ទី១៣ ខែវិច្ឆិកា ឆ្នាំ២០២២ នៅរាជធានីភ្នំពេញ មានព្រឹត្តិការណ៍ដូចជា៖ កិច្ចប្រជុំកំពូលអាស៊ានលើកទី៤០ និងលើកទី៤១ កិច្ចប្រជុំកំពូលអាស៊ាន.ចិន លើកទី២៥ កិច្ចប្រជុំកំពូលអាស៊ាន.ជប៉ុន លើកទី២៥ កិច្ចប្រជុំកំពូលអាស៊ាន.សាធារណរដ្ឋកូរ៉េ លើកទី២៣ កិច្ចប្រជុំកំពូលអាស៊ានបូកបី លើកទី២៥ កិច្ចប្រជុំកំពូលរំលឹកខួប៣០ឆ្នាំ នៃទំនាក់ទំនងដៃគូសន្ទនាអាស៊ាន.ឥណ្ឌា កិច្ចប្រជុំកំពូលអាស៊ាន.សហរដ្ឋអាមេរិក លើកទី១០ កិច្ចប្រជុំកំពូលអាស៊ាន.អូស្ត្រាលី លើកទី២ កិច្ចប្រជុំកំពូលរំព្ញកខួបនៃទំនាក់ទំនងអាស៊ាន.កាណាដា កិច្ចប្រជុំកំពូលអាស៊ាន.អង្គការសហប្រជាជាតិ និងកិច្ចប្រជុំកំពូលអាស៉ីបូព៌ា លើកទី១៧ ។។
