ឧត្តមសេនីយ៍ទោ សោម ស៊ុន ឲ្យកម្លាំង អន្តរាគមន៍ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រៀម ខ្លួន ជួយ សង្គ្រោះពលរដ្ឋ រងគ្រោះ ដោយ គ្រោះ មហន្តរាយ ផ្សេង ៗ
ភ្នំពេញ៖ នៅព្រឹកថ្ងៃទី៧ ខែកញ្ញា ឆ្នាំ២០២២ នៅទីបញ្ជាការតំបន់ប្រតិបត្តិការសឹករងកំពង់ធំ យោធភូមិភាគទី៤ បាន បើកកិច្ចប្រជុំបូកសរុបលទ្ធផលការងារយោធាសន្តិសុខប្រចាំខែសីហា និងដាក់ចេញនូវទិសដៅសម្រាប់អនុវត្តបន្ត ប្រចាំខែកញ្ញាឆ្នាំ ២០២២ ដែលពិធីនេះប្រព្រឹត្តទៅស្ថិតក្រោមធិបតីភាព ឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិការសឹករងកំពង់ធំ ។
លោកវរសេនីយ៍ទោ ស៊ុន សារិន នាយការិយាល័យទី៣ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បាន ឡើងអានរបាយការណ៍បូកសរុបលទ្ធផលការងារយោធាសន្តិសុខប្រចាំខែសីហា ឆ្នាំ២០២២ ដែលអង្គភាពបញ្ជាការ ដ្ឋានតំបន់ប្រតិបត្តិការសឹករងកំពង់ធំអនុវត្តសម្រេចបាន និងគូសបញ្ជាក់អំពីចំណុចខ្លាំងចំណុចខ្សោយ ព្រមទាំងបញ្ហា ប្រឈមមួយចំនួនផងដែរ។
ឧត្តមសេនីយ៍ត្រី ញូង ធី មេបញ្ជាការរង និងជានាយសេនាធិការ បានឡើងអាននូវទិសដៅនិងបានប្រគល់ភារ កិច្ចសំខាន់ៗមួយចំនួន សម្រាប់បណ្ដាកងឯកភាពចំណុះ និងស្ថាប័នពាក់ព័ន្ធត្រូវអនុវត្តបន្តក្នុងខែកញ្ញាឆ្នាំ2022 នេះ ។
ឧត្តមសេនីយ៍ទោ សោម ស៊ុន បានកោតសរសើរនិងវាយតម្លៃខ្ពស់ ចំពោះការខិតខំប្រឹងប្រែងក្នុងការបំពេញភារ កិច្ច របស់ថ្នាក់ដឹកនាំគ្រប់លំដាប់ថ្នាក់ មេបញ្ជាការគ្រប់កងឯកភាព នឹងបណ្ដាការិយាល័យ ស្ថាប័នពាក់ព័ន្ធព្រមទាំង យោធិនទាំងអស់ ប្រកបដោយស្មារតីទទួលខុសត្រូវខ្ពស់តាមភារកិច្ចរៀងៗខ្លួន ដែលបានប្រគល់និងទទួលបានជោគ ជ័យគួរជាទីមោទនៈ។
ឧត្តមសេនីយ៍ទោ សោម ស៊ុន បានប្រគល់ភារកិច្ចសំខាន់ៗមួយចំនួនបន្ថែមទៀត ដែលត្រូវអនុវត្តនៅក្នុងខែ កញ្ញាឆ្នាំ២០២២ ពិសេសបានដាក់បទបញ្ជាដល់មេបញ្ជាការគ្រប់កងឯកភាព យោធិនគ្រប់រូបនៃកម្លាំងអន្តរាគមន៍ សំរាប់ជួយសង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយផ្សេងៗ ពិសេសគ្រោះទឹកជំនន់ ដែលកំពុងកើត មានឡើងនៅក្នុងភូមិសាស្ត្រខេត្តកំពង់ធំ ដោយត្រូវ ប្រុង ប្រៀប រៀបចំខ្លួន នឹង ប្រុងប្រៀបសម្ភារៈប្រើប្រាស់ ព្រម ទាំង មធ្យោបាយដឹកជញ្ជូន សម្រាប់អន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលានិងមានប្រសិទ្ធភាព ។
ជាមួយ នោះ ផងដែរ មេបញ្ជាការ តំបន់ ប្រតិបត្តិការ សឹក រងកំពង់ធំ បាន ក្រើនរំលឹកដល់ថ្នាក់ដឹកនាំគ្រប់លំដាប់ថ្នាក់ មេបញ្ជាការ គ្រប់ កងឯកភាព ត្រូវ យកចិត្តទុកដាក់ ក្នុង ការ ហ្វឹកហ្វឺន រៀនសូត្រ អប់រំ ចិត្ត សាស្ត្រ ប្រចាំ សប្តាហ៍ នូវ ខ្លឹមសារ មេរៀន ពង្រឹង វិន័យ សណ្តាប់ ធ្នាប់ ក្នុង ជួរ កង ទ័ព ពង្រឹង តួនាទី ភារកិច្ច និង មនសិការ ស្នេហា ជាតិ គឺ យោធិន គ្រប់ រូប ត្រូវ ប្តេជ្ញា ចិត្ត ដាច់ ខាត ក្នុង ការ ការពារ ជាតិ សាសនា ព្រះមហាក្សត្រ និងការពារ រាជរដ្ឋាភិបាល ស្របច្បាប់ដែល ដឹកនាំ ដោយ សម្តេច អគ្គមហាសេនា បតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រ កម្ពុជា ៕
