អាវុធហត្ថខេត្តតាកែវ ឃាត់ខ្លួនជនសង្ស័យម្នាក់ ករណីលួចម៉ូតូ
ភ្នំពេញ៖ កម្លាំងអាវុធហត្ថខេត្តតាកែវ ឃាត់ខ្លួនជនសង្ស័យម្នាក់ បានភ្លាមៗ ករណីលួចម៉ូតូ ត្រង់ចំណុចផ្ទះសំណាក់ យីហោ សំពៅមាស ស្ថិតក្នុងភូមិសំបួរ សង្កាត់រកាក្នុង ក្រុងដូនកែវ នៅថ្ងៃទី៥ ខែកញ្ញា ឆ្នាំ២០២២។
ជនសង្ស័យមានឈ្មោះ ញ៉ូញ លាងស៊ា ភេទប្រុស អាយុ ២២ឆ្នាំ មុខរបរមិនពិតប្រាកដ រស់នៅភូមិដើមពោធិ៍ ឃុំជ្រោយតាកែវ ស្រុកកោះធំ ខេត្តកណ្ដាល។
ក្នុងការឃាត់ខ្លួនកម្លាំងបានដកហូតបានវត្ថុតាងម៉ូតូ ១គ្រឿង ម៉ាកស៊ូម័រ ពណ៌សលាយក្រហម ពាក់ស្លាកលេខ តាកែវ 1O-3600 ក្រោយការឃាត់ខ្លួន ការិយាល័យជំនាញកំពុងកសាងសំណុំរឿងបញ្ជូន ជនសង្ស័យ និងវត្ថុតាង ទៅសាលាដំបូងខេត្តតាកែវ៕