សមត្ថកិច្ចឃាត់ខ្លួនមុខសញ្ញាឆក់ទូរស័ព្ទ៣នាក់ នៅក្រុងបាត់ដំបង
ភ្នំពេញ៖ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការបង្ក្រាប ចុះប្រតិបត្តិការ បង្ក្រាបករណី អំពើ លួចមានស្ថានទម្ងន់ទោស(ឆក់យកទូរស័ព្ទដៃ )១ករណី និងបានធ្វើការនាំខ្លួនជនសង្ស័យចំនួន០៣ នាក់មកកាន់ស្នងការដ្ឋានដើម្បីធ្វើការសាកសួរ ស្រាវជ្រាវ ។
ការបង្ក្រាបនេះបានធ្វើឡើងកាលពីថ្ងៃទី ១៤ ខែ សីហា ឆ្នាំ ២០២២ វេលាម៉ោង ២២និង៣០នាទីនៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង។
ជនសង្ស័យទាំង៣នាក់មានឈ្មោះ៖ ១-ឈ្មោះ ឡេង ហេង ភេទប្រុស អាយុ ១៩ឆ្នាំ, ២-ឈ្មោះ លី ស៊ីថា ភេទប្រុស អាយុ ២១ឆ្នាំ, ៣-ឈ្មោះ លួម ចាន់ថា ភេទប្រុស អា យុ ២០ឆ្នាំដែលជនសង្ស័យទាំង ០៣ នាក់ មានទីលំនៅភូមិបាឡាត់ ឃុំនរា ស្រុកសង្កែ ខេត្តបាត់ដំបង។
សូមជម្រាបជូនថាកាលពីថ្ងៃទី១៤ខែសីហា ឆ្នាំ២០២២វេលាម៉ោងប្រមាណ២១និង១០នាទីនៅចំណុចក្រុមទី០១ ភូមិ បែកចានថ្មី សង្កាត់ ព្រែកព្រះស្តេច ក្រុងបាត់ដំបងខេត្តបាត់ដំបជនសង្ស័យ ខាងល;បានធ្វ;សកម្មភាព ឆក់យកទូរស័ព្ទដៃ ដែលជារប ស់ ជនរងគ្រោះឈ្មោះ សោ ថាវន្ត ភេទស្រី អាយុ ២៧ឆ្នាំ មានទីលំនៅ ភូមិស្តីស្ទឹង ឃុំតាលាស់ ស្រុកមោងឬស្សី ខេត្តបាត់ដំបង ដែលទូរស័ព្ទដៃ ម៉ាកOPPO F9 ពណ៌ខៀវ ។
បន្ទាប់ពីកើតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហើយឆ្លងតាមរយៈការស្រាវជ្រាវ សមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួនតែម្តង។
វត្ថុតាងដកហូតរួមមាន៖ ម៉ូតូម៉ាកហុងដាឌ្រីម ពណ៌ខ្មៅស៊េរីឆ្នាំ ២០១៧ ស្លាកលេខ បាត់ដំបង 1AE-7425 ( ជជាម៉ូតូជិះធ្វើសកម្មភាព ), ទូរស័ព្ទដៃ១គ្រឿង ម៉ាកOppo F9 ពណ៌ខៀវ (ជារបស់ជនរងគ្រោះ)។
បច្ចុប្បន្នការិយាល័យជំនាញកំពុងធ្វើការកសាងសំ ណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់៕
