ឯកឧត្តម អ៊ុំ រាត្រី បើកកិច្ចប្រជុំត្រួតពិនិត្យវឌ្ឍនភាពគម្រោង ជាមួយប្រតិភូធនាគារអភិវឌ្ឍន៍អាស៊ី (ADB) នៃគម្រោង កែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២

បន្ទាយមានជ័យ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្ត ឯកឧត្តមឋ អនុរដ្ឋ វង្ស ពិសិដ្លេខាធិការ និងជានាយកគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ អញ្ជើញជាអធិបតីភាព ក្នុងកិច្ចប្រជុំត្រួតពិនិត្យវឌ្ឍនភាពគម្រោងជាមួយប្រតិភូធនាគារអភិវឌ្ឍន៍អាស៊ី (ADB) នៃគម្រោង កែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ ក្នុងក្រុងសិរីសោភ័ណ ដោយមានការចូលរួមពី លោក ឃ្លោក នួយ អភិបាលរងខេត្ត តំណាងធនាគារអភិវឌ្ឍន៍អាសុី (ADB) លោក លោកស្រី អភិបាល អភិបាលរងក្រុងសិរីសោភ័ណ មន្ទីរអង្គភាពពាក់ព័ន្ធ និងអ្នកពាក់ព័ន្ធ នារសៀលថ្ងៃទី១៨ ខែមីនា ឆ្នាំ២០២៦ កិច្ចប្រជុំនេះធ្វើឡើងនៅសាលប្រជុំ (ក) សាលាខេត្តបន្ទាយមានជ័យ។

ឯកឧត្តម វង្ស ពិសិដ្ឋ អនុរដ្ឋលេខាធិការ និងជានាយកគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ បានមានប្រសាសន៍ថា ការកសាងទីលានគ្រប់គ្រងសំរាមក្រុងសិរីសោភ័ណ ស្ថិតនៅភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ លើផ្ទៃដី ១០ហិកតា និងអគាររដ្ឋបាល ១ទីតាំង មានផ្ទៃដី ១ហិកតា បានចាប់ផ្ដើមសាងសង់ឆ្នាំ២០២៣ និងបានបញ្ចប់នៅថ្ងៃទី២៤ ខែតុលា ឆ្នាំ២០២៤ ក្រោមកម្ចីឥណទានហិរញ្ញប្បទានរបស់ធនាគារ អភិវឌ្ឍន៍អាស៊ី (ADB) និងបានសម្ពោធនៅថ្ងៃទី១៧ ខែមករា ឆ្នាំ២០២៥កន្លងទៅ។ ទន្ទឹមនិងនេះ បានបង្កើតគណៈកម្មការគ្រប់គ្រងប្រតិបត្តិការទីលាន និងប្រព័ន្ធទឹកកខ្វល់ ធានាដំណើរការបានត្រឹមត្រូវដោយយកបទពិសោធន៍រាជធានីខេត្ត ដែលមានភាពចាស់ទុំក្នុងការគ្រប់គ្រងគម្រោងបរិស្ថានបានល្អ។

ឯកឧត្តម វង្ស ពិសិដ្ឋ អនុរដ្ឋលេខាធិការ បានបន្តថា លទ្ធផលដ៏ល្អប្រសើរខាងលើនេះ គឺបានរួមចំណែកយ៉ាងធំធេងជាមួយរាជរដ្ឋាភិបាលកម្ពុជាក្រោម ការដឹកនាំប្រកបដោយភាពស្វាហាប់ ឈ្លាសវៃ ស៊ីជម្រៅ និងចក្ខុវែងឆ្ងាយរបស់សម្តេចមហាប់ចរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញយុទ្ធសាស្ត្របញ្ច កោណ ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ព្រមទាំង អាទិភាពគន្លឹះ ចំនួន៥គឺ៖ មនុស្ស ផ្លូវ ទឹក ភ្លើង និងបច្ចេកវិទ្យា ក្នុងការកាត់បន្ថយភាពក្រីក្រ និងជំរុញកំណើនសេដ្ឋកិច្ចកម្ពុជា ដើម្បីសម្រេចបានចក្ខុវិស័យកម្ពុជា ជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។

ឯកឧត្តម អ៊ុំ រាត្រី អភិបាល នៃគណៈអភិបាលខេត្ត ក៏បានជំរុញណែនាំទៅដល់ក្រុមការងារគម្រោងជាមួយប្រតិភូធនាគារអភិវឌ្ឍន៍អាស៊ី (ADB) នៃគម្រោង កែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ ក្នុងក្រុងសិរីសោភ័ណ នូវកិច្ចការងារដែលសម្រេចបាន និងត្រូវកែលម្អធ្វេីដែលអ្វីដែលនូវសេសសល់ត្រូវពន្លឿនឱ្យបានឆាប់រួចរាល់ ៕