បុរសម្នាក់ ផឹកស្រាស្រវឹងជិះម៉ូតូធ្លាក់ស្ពានស្លាប់នៅស្រុកវាលវែង
ពោធិ៍សាត់៖ បុរសម្នាក់បានស្លាប់បាត់បង់ជីវិតដោយសារតែជិះម៉តូលឿនក្នុងស្ថានភាពស្រវឹងបណ្តាលអោយធ្លាក់ស្ពានបោកក្បាលនិងលូកាលពីវេលាម៉ោងជាង ២០ ថ្ងៃទី ៣០ ខែ មិថុនា ឆ្នាំ ២០២២ស្ថិតនៅចំនុចកំណាត់ផ្លូវលេខ ១០ ម្តុំអូរដីខ្មៅ ក្នុងភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិសាត់។
យោងតាមរបាយការណ៍របស់អធិការដ្ឋាននគរបាលស្រុកវាលវែងបានអោយដឹងថា ជនរងគ្រោះមានឈ្មោះអុឹម ខុនភេទប្រុសអាយុ ៤៩ ឆ្នាំជនជាតិខ្មែររស់នៅក្នុងភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិ៍សាត់។
ក្រោយកើតហេតុ សមត្ថកិច្ចនគរបាលចរាចរណ៍ស្រុកបានចុះទៅពិនិត្យវាស់វែងដល់កន្លែងកើតហេតុ ធ្វើកំណត់ហេតុប្រគល់សាកសពអោយទៅក្រុមគ្រួសារដើម្បីយកទៅធ្វើបុណ្យតាមប្រពៃណី៕
