អភិបាលខេត្តតាកែវ ជួបសំណេះសំណាលជាមួយបងប្អូនពលករចំណាកស្រុកទើបវិលត្រឡប់មកពីប្រទេសថៃ វិញ នៅមូលដ្ឋានស្រុកកោះអណ្ដែត

ភ្នំពេញ៖ នៅរសៀលថ្ងៃទី៦ ខែសីហា ឆ្នាំ២០២៥ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ បានអញ្ជើញជួបសំណេះសំណាលជាមួយបងប្អូនពលករ ជាង ២០០នាក់ ដែលទើបវិលត្រឡប់មកពីប្រទេសថៃ នៅសាលាស្រុកកោះអណ្ដែត។

ឯកឧត្តម វ៉ី សំណាង បានលើកឡើងប្រាប់ បងប្អូនពលករទាំងអស់ កុំអោយមានការព្រួយបារម្ភពាក់ព័ន្ធ ទៅការស្វែងការងារធ្វើនៅក្នុងស្រុក ព្រោះគ្រាន់តែស្រុកកោះអណ្ដែត មួយមានរោងចក្រទើបបើកថ្មីចំនួន ៦រោងចក្រ និងត្រូវការកម្មករបំរើការងារចំនួនជាង ១ពាន់នាក់។

ឯកឧត្តមអភិបាលខេត្តបានថ្លែងបន្តថា សម្រាប់ខេត្តតាកែវរយៈពេល ៦ខែដើមឆ្នាំ២០២៥នេះ ខេត្តតាកែវ ទទួលបាន អ្នកវិនិយោគចូលមកបណ្ដាក់ទុនចំនួន ៣១ក្រុមហ៊ុន ដែលមានទំហ៊ំទឹកប្រាក់ចំនួនជាង ៩៧លានដុល្លាអាមេរិក។ គម្រោងវិនិយោគនេះបានបង្កើតការងារ ជូនបងប្អូនប្រជាពលរដ្ឋក្នុងខេត្តតាកែវបានចំនួនជិត ២ម៉ឺនកន្លែង ហើយបច្ចុប្បន្នក៍មានក្រុមហ៊ុនមួយចំនួនទៀត កំពុងតែដាក់សំណើរចូលមកបណ្ដាក់ទុនថែមទៀតផងដែរ៕