ក្រុមសម្អាតកំពុងប្រឹងប្រែងបង្ក្រាបការបាក់ជ្រាបប្រេងនៅលើ Olympic Peninsula នៃរដ្ឋវ៉ាស៊ីនតោន

(បរទេស)÷ ថ្ងៃអាទិត្យ ទី២០ ខែកក្កដា ឆ្នាំ២០២៥ ក្រុមសម្អាតកំពុងប្រឹងប្រែងបង្ក្រាបការបាក់ជ្រាបប្រេងនៅលើ Olympic Peninsula នៃរដ្ឋវ៉ាស៊ីនតោន បន្ទាប់ពីរថយន្តដឹកប្រេងមួយបានគាំងគេហើយបាក់បែកទៅជ្រុះចូលក្នុងទន្លេ Indian Creek នៅថ្ងៃសុក្រ។ ទឹកប្រេងប្រមាណ ៣,000 ដុល្លារ ហ្គាលុន (ប្រហែល ១១,៣៥៦ លីត្រ) រួមមានសាំងជាចម្បង និងម៉ាស៊ូតខ្លះៗ ត្រូវបានជ្រាបចូលក្នុងទន្លេដែលជាផ្នែកសំខាន់នៃទីតាំងរស់របស់ត្រីសាម៉ុន។ នេះបើយោងតាមការចេញផ្សាយរបស់សារព័ត៌មាន AP

ការបាក់បែកនេះកើតឡើងនៅផ្លូវជាតិ US ១០១ ខាងលិចទីក្រុង Port Angeles។ អាជ្ញាធរបានដឹករថយន្តចេញហើយនិងកំពុងធ្វើការស្ទង់ផលប៉ះពាល់បរិស្ថាន។ ជនជាតិដើមភាគតិច Lower Elwha Klallam กកំពុងពិនិត្យផ្ទៃដីនិងទីបរិវេណទន្លេ ខណៈក្រសួងសុខាភិបាលកំពុងប្រមូលទិន្នន័យនៃគំរូទឹកដើម្បីវិភាគបន្ថែម។

អភិបាលរដ្ឋ Bob Ferguson បានបង្ហើបថា៖ “ហេតុការណ៍នេះគឺជារឿងធ្ងន់ធ្ងរ និងធ្វើឲ្យបែកបាក់ចិត្ត”។ គាត់បានបន្ថែមថា ពួកជនជាតិដើមភាគតិច និងប្រជាជនមូលដ្ឋានពឹងផ្អែកលើទឹកស្អាតសម្រាប់ជីវភាពប្រចាំថ្ងៃ។

ទន្លេ Elwha ដែលពាក់ពន្ធ័នឹងច្រកទឹក Indian Creek មានសារៈសំខាន់ខ្លាំង សម្រាប់ប្រជាជនតំបន់ និងជាប្រភពទឹកស្អាតសម្រាប់ Port Angeles។ ទីក្រុងបានព្យួរការបង្ហាប់ទឹកផ្លូវការ និងអំពាវនាវឲ្យប្រជាជនប្រើប្រាស់ទឹកប្រកបដោយប្រសិទ្ធភាព។ ការព្យាករណ៍ថា ទឹកស្តុកនៅក្នុងអាងទឹកនឹងមានស្រាប់ប្រហែល ១៨ ដល់ ២៤ ម៉ោងទៀត។

ស្ថានភាពខ្យល់នៅតំបន់មិនមានហានិភ័យនៅថ្ងៃសៅរ៍នោះទេ ប៉ុន្តែអាជ្ញាធរបានអំពាវនាវឲ្យប្រជាជនប្រុងប្រយ័ត្នចំពោះអាការៈដូចជា ឈឺក្បាល ឬវិលមុខ ហើយសូមពិនិត្យវេជ្ជបណ្ឌិតបើចាំបាច់។