លោក Donald Trump ថាការសន្ទនាជាមួយលោក Vladimir Putin បានដំណើរការទៅយ៉ាងល្អ ហើយកិច្ចពិភាក្សារវាងទីក្រុងមូស្គូ និងគៀវនឹងគួរតែត្រូវចាប់ផ្តើមភ្លាមៗ
បរទេស៖ ប្រធានាធិបតីអាមេរិក លោក Donald Trump បាននិយាយថា ការសន្ទនាជាមួយសមភាគីរុស្ស៊ីលោក Vladimir Putin បានដំណើរការទៅយ៉ាងល្អ ហើយថាកិច្ចពិភាក្សារវាងទីក្រុងមូស្គូ និងគៀវនឹងគួរតែត្រូវចាប់ផ្តើមភ្លាមៗ។
យោងតាមការចេញផ្សាយរបស់ RT បានបញ្ជាក់ថា គេបានដឹងដែរថាមេដឹកនាំទាំងពីរបាននិយាយអស់រយៈពេលជាង២ម៉ោងកាលពីថ្ងៃចន្ទ ជាចម្បងអំពីបញ្ហាជម្លោះនៅអ៊ុយក្រែនហើយក្នុងនោះលោកPutinក៏បានពណ៌នាការពិភាក្សានេះថាមានប្រយោជន៍ខ្លាំងណាស់ដែរ។
នៅក្នុងការបង្ហោះនៅលើបណ្តាញសង្គមTruth Social ភ្លាមៗបន្ទាប់ពីកិច្ចពិភាក្សាកាលពីថ្ងៃចន្ទ លោក Trump បានសរសេរថា៖ ទឹកដម និងស្មារតីនៃការសន្ទនាគឺ ល្អណាស់ ដោយបន្ថែមថា ប្រសិនបើវាមិនមែនទេ ខ្ញុំនឹងនិយាយដូច្នេះឥឡូវនេះ ជាជាងពេលក្រោយ ។
ប្រទេសរុស្ស៊ីបានបង្ហាញបំណងចង់ធ្វើពាណិជ្ជកម្មទ្រង់ទ្រាយធំជាមួយសហរដ្ឋអាមេរិក នេះបើយោងតាមលោក Trump បានអះអាងដោយបន្ថែមថា ការដោះស្រាយជម្លោះដ៏មានសក្តានុពលនឹងជួយអ៊ុយក្រែនឱ្យក្លាយជា អ្នកទទួលផលដ៏អស្ចារ្យ នៃពាណិជ្ជកម្មនោះផងដែរ៕
ប្រធានាធិបតីអាមេរិករូបនេះក៏បាននិយាយដែរថា៖ភ្លាមៗបន្ទាប់ពីការហៅទូរស័ព្ទជាមួយលោកPutinគាត់ក៏បាននិយាយជាមួយលោក Vladimir Zelensky របស់ប្រទេសអ៊ុយក្រែន ប្រធានគណៈកម្មការអឺរ៉ុប Ursula von der Leyen ប្រធានាធិបតីបារាំង Emmanuel Macron នាយករដ្ឋមន្រ្តីអ៊ីតាលី Giorgia Meloni អធិការបតីអាល្លឺម៉ង់ Friedrich Merz និងប្រធានាធិបតីហ្វាំងឡង់ Alexander Stubbផងដើម្បីជូនដំណឹងពួកគេអំពីការសន្ទនារបស់គាត់ជាមួយសមភាគីរុស្ស៊ី៕
