រដ្ឋបាលខេត្តតាកែវ គ្រោងពង្រីក និងកែលម្អរផ្លូវក្រវាត់បឹងតាកែវ ដើម្បីត្រៀមរៀបចំពិធីបុណ្យទន្លេ នៅឆ្នាំក្រោយ
ភ្នំពេញ៖ ក្នុងវេទិកាស្តីពីការអនុវត្តកំណែទម្រង់វិមជ្ឈការ និងវិសហមជ្ឈការរយៈពេល ៣ឆ្នាំ (២០២១ ដល់ ២០២៣) នៅខេត្តតាកែវ ឯកឧត្តម វ៉ី សំណាង អភិបាលខេត្ត បានថ្លែងថា ប្រមុខរាជរដ្ឋាភិបាលកម្ពុជា សម្រេចជ្រើសរើស ខេត្តតាកែវ សម្រាប់ រៀបចំពិធីបុណ្យទន្លេ នៅបឹងតាកែវ ក្រុងដូនកែវ ចាប់ថ្ងៃទី១៤ ដល់ថ្ងៃទី ១៦ ខែមីនា ឆ្នាំ២០២៥ ហើយអាជ្ញាធរក៏គ្រោង ពង្រីកផ្លូវក្រវាត់បឹង ដែលមានប្រវែងជាង ១២គីឡូម៉ែត្រ នឹងដាំកូនឈើសងខាងផ្លូវ ការពារការហូរច្រោះដី ក៏ដូចជា បង្កើនភាពស្រស់បំព្រង និងសោភ័ណ្ឌភាព ត្រៀមរៀបចំអបអរសាទរពិធីបុណ្យទន្លេ ក៏ដូចជា បានថែរក្សាការពារកុំឱ្យមានអ្នកទន្ទ្រាន ដែលនាំបាត់បង់ទំហំផ្ទៃបឹងតាកែវ ដែលជាប្រភពទឹកដ៏មានសក្ដានុពលសំខាន់សម្រាប់ប្រជាជន ៕
