តំបន់ប្រតិបត្តិការសឹករងកោះកុង ប្រារព្ធពិធីបើកវគ្គហ្វឹកហ្វឺនពង្រឹងសមត្ថភាពដល់យោធិន ប្រចាំឆ្នាំ២០២៤
ភ្នំពេញ៖ នៅថ្ងៃទី៧ ខែតុលា ឆ្នាំ២០២៤ តំបន់ប្រតិបត្តិការសឹករង កោះកុង បានប្រារព្ធពិធីបើកវគ្គហ្វឹកហ្វឺនបំប៉នពង្រឹងសមត្ថភាពយោធាដល់នាយទាហាន នាយទាហានរង ពលទាហាន តំបន់ប្រតិបត្តិការសឹករងកោះកុងប្រចាំឆ្នាំ២០២៤ មានរយៈពេល៩០ ថ្ងៃ និងមានសិក្ខាកាមចូលរួមចំនួន ៥០ នាក់ ក្នុងនោះសិក្ខាកាមជានារីចំនួន ១៣ នាក់ ក្រោមធិបតីភាព ឧត្ដសេនីយ៍ទោ សោម សាមិទ្ធ មេបញ្ជាការរងយោធភូមិភាគ មេបញ្ជាការទិសមុខ តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ និងលោកជំទាវ មិថុនា ភូថង អភិបាល នៃគណអភិបាលខេត្តកោះកុង។
ជាកិច្ចស្វាគមន៍លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង មានមានមតិស្វាគមន៍ និងអាននូវផែនការបើកវគ្គហ្វឺន ជូនដល់គណអធិបតី និងអង្គពិធី បានជ្រាប។
មានប្រសាសន៍ថ្លែងបើកវគ្គនិងសំណេះសំណាលជាមួយសិក្ខាកាមក្នុងឱកាសនោះ ដែរលោកឧត្តមសេនីយ៍ទោ សោម សាមិទ្ធ មេបញ្ជាការរង យោធភូមិភាគ មេបញ្ជាការទិសជួរមុខយោធភូមិភាគទី៣ បានផ្ដាំផ្ញើនិងសង្កត់ធ្ងន់ដល់សិក្ខាមទាំងអស់ត្រូវយកចិត្តទុកដាក់ខិតខំរៀនសូត្រ គោរពវិន័យ ក្នុងវគ្គហ្វឹកហ្វឹននេះឲ្យបានមឺងម៉ាត់ និងខិតខំប្រឹងប្រែងយកចិត្តទុកដាក់រៀនសូត្រ ដើម្បីបង្កើនពង្រឹង ពង្រីកចំណេះដឹងបន្ថែម ដោយផ្ដោតទៅលើមេរៀនសំខាន់ៗក្នុងវគ្គនេះសំដៅកសាងធនធានមនុស្សឲ្យមានសមត្ថភាពក្នុងការបន្តដឹកនាំ អង្គភាពឲ្យកាន់តែរីកចំរើន អភិវឌ្ឍ ស្របទៅតាមការកំណែទម្រង់សមត្ថភាពនៃកងយោធពលខេមរភូមិន្ទ នាសម័យជីឌីថល។ ការហ្វឹកហ្វឺនរៀនសូត្រនេះដែរក្នុងនាមជាកងទ័ព ក៏ដូចជាសិក្ខាកាម នៃវគ្គហ្វឹកហ្វឺននេះដែរ ត្រូវស្មោះត្រង់ចំពោះជាតិ សាសនា ព្រះមហាក្សត្រ ការពារសុខសន្តិភាព ការពាររារដ្ឋាភិបាលស្រមច្បាប់ដែលមាន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាទោះក្នុងតម្លៃណាក៏ដោយ។
ជាទីបញ្ចប់លោកឧត្តមសេនីយ៍ទោ ប្រធានគណអធិបតី បានថ្លែងអំណរអរគុណយ៉ាងជ្រាលជ្រៅបំផុតដល់ថ្នាក់ដឹកនាំគ្រប់ជាន់ថ្នាក់ ពិសេស ឯកឧត្ដនាយឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលតែងយកចិត្តទុកដាក់គិតគូផ្ដល់ជាកញ្ចប់ថវិកាដល់គ្រប់បណ្ដាអង្គភាពសំរាប់កម្មវិធីហ្វឹកហ្វឺនពង្រឹងសមត្ថភាពដល់នាយទាហាន នាយទាហានរង ពលទាហាននៃកងយោធពលខេមរភូមិន្ទ៕
