អគ្គនាយករងពន្ធនាគារ ដឹកនាំកិច្ចប្រជុំឆ្លងសេចក្តីព្រាងផែនការយុទ្ធសាស្ត្រ ស្តីពីការលើកកម្ពស់ការគ្រប់គ្រងពន្ធនាគារ ឆ្នាំ២០២៤-២០២៨
ភ្នំពេញ៖ នាព្រឹកថ្ងៃទី២៧ ខែឧសភា ឆ្នាំ២០២៤ ឯកឧត្តម ឧត្តមអគ្គានុរក្ស.១ សន កែវ អគ្គនាយករង នៃអគ្គនាយកដ្ឋានពន្ធនាគារ តំណាងដ៏ខ្ពង់ខ្ពស់ ឯកឧត្តម អគ្គនាយក នៃអគ្គនាយកដ្ឋានពន្ធនាគារ បានអញ្ជើញដឹកនាំកិច្ចប្រជុំឆ្លងសេចក្តីព្រាងផែនការយុទ្ធសាស្ត្រ ស្តីពីការលើកកម្ពស់ការគ្រប់គ្រងពន្ធនាគារ ឆ្នាំ២០២៤-២០២៨ របស់អគ្គនាយកដ្ឋានពន្ធនាគារ។
ផែនការយុទ្ធសាស្ត្រ ឆ្នាំ២០២៤-២០២៨ របស់អគ្គនាយកដ្ឋានពន្ធនាគារមាន៥យុទ្ធសាស្រ្តរួមមាន៖
ទី១-ការពង្រឹងការគ្រប់គ្រងពន្ធនាគារតាមបទដ្ឋានដែលធានាបានសន្តិសុខ សុវត្ថិភាព សុខភាព និងមនុស្សធម៌
ទី២-ការអភិវឌ្ឍជំនាញវិជ្ជាជីវៈ ផ្តល់សេវាអប់រំកែប្រែ ការស្តារនីតិសម្បទា ការបណ្តុះ បណ្តាល វិជ្ជាជីវៈ និងសមាហរណកម្ម
ទី៣-ការអភិវឌ្ឍហេដ្ឋារចនាសម្ព័ន្ធពន្ធនាគារ និងការបំពាក់នូវឧបករណ៍សម្ភារ
ទី៤-ជំរុញអនុវត្តក្របខ័ណ្ឌគោលនយោបាយកំណែទម្រង់ពន្ធនាគារ
ទី៥-ការអភិវឌ្ឍធនធានមនុស្ស និងពង្រឹងសមត្ថភាពបច្ចេកវិទ្យាឌីជីថល ៕