ភ្នំពេញ៖ គណបក្សហ៊្វុនស៊ិនប៉ិច មានព្រះអង្គម្ចាស់ នរោត្តម ចក្រាវុធ ជាព្រះប្រធាន នៅថ្ងៃទី២៩ ខែមេសា ឆ្នាំ២០២៤នេះបានចេញសេចក្តីថ្លែងការណ៍ប្រកាសគាំទ្រពេញទំហឹងចំពោះការគិតគូរ និងការប្តេជ្ញាចិត្តរបស់រាជរដ្ឋាភិបាល ក្នុង ការជីកព្រែកជីកហ្វូណន-តេជោ និងលើកទឹកចិត្តឱ្យការអនុវត្តគម្រោងនេះទទួលបានជោគជ័យ។
នៅក្នុងសេចក្តីថ្លែងការណ៍ គណបក្សហ៊្វុន ស៊ិន ប៉ិច បានគូសរំលេចថា គម្រោងព្រែកជីកហ្វូណន-តេជោ ដែលតភ្ជាប់ពីទន្លេមេគង្គ ទៅ សមុទ្រ គឺជាគម្រោងប្រវត្តិសាស្ត្រថ្មីមួយ នឹងផ្តល់អត្ថប្រយោជន៍យ៉ាងធំធេង ជូនជាតិមាតុ ភូមិ និងប្រជារាស្ត្រខ្មែរ។ ពោល ព្រែកជីកនេះជាចំណែកយ៉ាងសំខាន់ក្នុងការអភិវឌ្ឍសេដ្ឋ កិច្ចសង្គមជាតិ តាមរយៈការដឹកជញ្ជូនតាមផ្លូវទឹក និងនាវាចរណ៍ឱ្យកាន់តែមានភាពល្អ ប្រសើរ ឡើង ក៏ដូចជាការតភ្ជាប់សេដ្ឋកិច្ចកម្ពុជា ទៅថា្នក់តំបន់និងពិភពលោក ព្រមទាំង អាច ជួយរំដោះទឹកជំនន់នៅតាមខេត្តភាគនិរតី ជាប្រភពផ្គត់ផ្គង់ទឹកសម្រាប់ប្រជារាស្ត្រ កម្ពុជា ប្រកប របរកសិកម្ម វារីវប្បកម្ម និងជួយសម្រួលការដឹកជញ្ជូនក សិផលនានាពីតាម បណ្តាល ខេត្តឱ្យកាន់តែមានភាពងាយស្រួល កាត់បន្ថយការចំណាយពេលវេលា ជា ដើម។
គណបក្ស ហ៊្វុន ស៊ិន ប៉ិចបានគូសបញ្ជាក់ថា «គម្រោងដ៏មហាសាលនេះ ពិតជាមានអត្ថប្រយោជន៍យ៉ាងច្រើនសម្បើមបំផុតសម្រាប់ ប្រជាជាតិខ្មែរ ហើយក៏ជាមោទនភាពសម្រាប់យើងទាំងអស់គ្នាផងដែរ។ ដូចនេះក្នុងនាម ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច ប្ដេជ្ញាចូលរួមការពារជា មួយ រាជរដ្ឋាភិបាលកម្ពុជា ព្រះរាជវង្សានុវង្ស និងប្រជារាស្ត្រខ្មែរ ធ្វើយ៉ាងណាឱ្យគម្រោង មួយ នេះសម្រេចបានជោគជ័យ ជាស្ថាពរ ដើម្បីជាឧត្តមប្រយោជន៍ជាតិ សម្រាប់ប្រជា រាស្ត្រ ខ្មែរគ្រប់ជំនាន់តរៀងទៅ»។
សូមបញ្ជាក់ថា គម្រោងព្រែកជីកហ្វូណន-តេជោ គឺជាគម្រោងតភ្ជាប់ផ្លូវទឹករវាងទន្លេ ទៅ កាន់ សមុទ្រ របស់កម្ពុជា ដោយ ឆ្លង កាត់ខេត្តកណ្តាល តាកែវ កំពត និងកែប ប្រវែង ប្រមាណ ១៨០គីឡូម៉ែត្រ។ គម្រោងនេះគ្រោងចាយ ទុន ប្រមាណ ១,៧០០លាន ដុល្លារ អាមេរិក ហើយត្រូវបានសិក្សាគម្រោងល្អិតល្អន់ដោយប្រើពេលវេលា២៦ខែ។
គម្រោងនេះ ត្រូវបានអនុម័តដោយរាជរដ្ឋាភិបាលកម្ពុជានីតិកាលទី៦ ក្នុងឆ្នាំ២០២៣ ដឹកនាំដោយសម្តេចតេជោ ហ៊ុន សែន ហើយក៏ត្រូវបានគាំទ្រដោយរាជរដ្ឋាភិបាលនីតិ កាល ថ្មីដឹកនាំដោយសម្តេចធិបតី ហ៊ុន ម៉ាណែត៕
