បរទេស៖ អាជ្ញាធរក្នុងតំបន់បានប្រាប់ AFP កាលពីថ្ងៃអាទិត្យថា មនុស្សជិត ១៩នាក់បានបាត់បង់ជីវិត និង ០២នាក់ទៀតកំពុងបាត់ខ្លួននៅឡើយបន្ទាប់ពីការរអិលបាក់ដីបណ្តាលឱ្យមានការបំផ្លិចបំផ្លាញដ៏ធំនៅកណ្តាលប្រទេសឥណ្ឌូនេស៊ី។
ខេត្ត Sulawesi ខាងត្បូងនៃខេត្ត Tana Toraja របស់ប្រទេសឥណ្ឌូនេស៊ី បានទទួលភ្លៀងធ្លាក់ខ្លាំង និងអាកាសធាតុដ៏អាក្រក់ក្នុងរយៈពេលប៉ុន្មានថ្ងៃកន្លងមកនេះ ដោយមិនមានការសម្រាកណាមួយឡើយ។ ជាលទ្ធផល តំបន់នេះងាយនឹងបាក់ដី។ ប្រធានទីភ្នាក់ងារគ្រោះមហន្តរាយក្នុងស្រុក លោក Sulaiman Malia បានឲ្យដឹងថា អ្នកស្លាប់និងអ្នកនៅរស់រានមានជីវិតទាំងពីរនាក់ត្រូវបានជម្លៀសចេញពីភូមិទាំងពីរនៅក្នុងខេត្ត Tana Toraja ភាគខាងត្បូងខេត្ត Sulawesi កាលពីល្ងាចថ្ងៃសៅរ៍។
លោក Sulaiman Malia បានប្រាប់ AFP កាលពីថ្ងៃអាទិត្យថា មានអ្នកស្លាប់ចំនួន ១៩នាក់ដោយអ្នកស្លាប់ ០៤នាក់នៅ South Makale និង ១៥នាក់ផ្សេងទៀតនៅក្នុងភូមិ Makale។
លោកបានបន្តថា បច្ចុប្បន្ននេះយើងកំពុងបន្តស្វែងរកជនរងគ្រោះផ្សេងទៀត ដោយបន្ថែមថានៅមានមនុស្សពីរនាក់ត្រូវបានគេរាយការណ៍ថាបានបាត់ខ្លួនដោយសន្មតថាកប់ក្រោមគំនរបាក់បែកបាក់ដី។
លោក Sulaiman Malia បានបន្ថែមថា Tana Toraja និងតំបន់ជុំវិញរបស់វាបានរងការវាយប្រហារជាបន្តបន្ទាប់ដោយភ្លៀងធ្លាក់ខ្លាំង ជាពិសេសកាលពីសប្តាហ៍មុន ដោយស្ទើរតែគ្មានការឈប់។
ដោយសារភ្លៀងធ្លាក់ខ្លាំង បណ្តាមូលដ្ឋាននៅតំបន់ជម្រាលភ្នំងាយនឹងមានឧបទ្ទវហេតុបាក់ដី ។ អាកាសធាតុភ្លៀងធ្លាក់ខ្លាំងនៅភាគកណ្តាលប្រទេសឥណ្ឌូណេស៊ីក្នុងរយៈពេលប៉ុន្មានថ្ងៃកន្លងមកនេះ បាននាំឱ្យមានការបាក់ដីដែលបានកប់ផ្ទះអ្នកស្រុក។
ប្រទេសឥណ្ឌូណេស៊ីងាយនឹងមានការបាក់ដីក្នុងរដូវវស្សា ហើយបញ្ហាបានកាន់តែធ្ងន់ធ្ងរទៅៗនៅកន្លែងខ្លះដោយការកាប់បំផ្លាញព្រៃឈើ ដោយមានភ្លៀងធ្លាក់ខ្លាំងជាយូរបណ្តាលឱ្យមានទឹកជំនន់នៅតំបន់ខ្លះនៃប្រទេសប្រជុំកោះ។
កាលពីខែមុន គ្រោះទឹកជំនន់ និងការបាក់ដីនៅលើកោះស៊ូម៉ាត្រា បានសម្លាប់មនុស្សយ៉ាងហោចណាស់ ៣០នាក់ និងរាប់សិបនាក់នៅបន្តបាត់ខ្លួន។
ការបាក់ដី និងទឹកជំនន់បានបោកបក់បំផ្លាញផ្ទះរាប់សិបខ្នង និងបំផ្លាញសណ្ឋាគារមួយនៅជិតបឹង Toba នៅលើកោះស៊ូម៉ាត្រាក្នុងខែធ្នូ ដោយបានសម្លាប់មនុស្សយ៉ាងហោចណាស់ ០២នាក់។
ប្រទេសកោះ និងអ្នកដែលស្ថិតនៅតាមតំបន់មាត់សមុទ្រកំពុងតែឃើញអាកាសធាតុខ្លាំងជាញឹកញាប់ដែលនាំឱ្យមានការបាត់បង់អាយុជីវិត និងខូចខាតទ្រព្យសម្បត្តិ។ កាលពីខែមុន គ្រោះទឹកជំនន់ និងការបាក់ដីនៅកោះស៊ូម៉ាត្រា បានបណ្តាលឲ្យមនុស្សយ៉ាងតិច ៣០នាក់ស្លាប់។ កាលពីខែធ្នូឆ្នាំមុន ការរអិលបាក់ដី និងទឹកជំនន់ដ៏ធំបានលេបត្របាក់ផ្ទះរាប់សិបខ្នង ហើយថែមទាំងបានបំផ្លាញសណ្ឋាគារមួយនៅជិតបឹងតូបាផងដែរ។
