ភ្នំពេញ៖ ដោយបានការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការ នៃស្នងការដ្ឋាននគរបាលខេត្តកោះកុង នៅថ្ងៃទី៧ ខែវិច្ឆិកា ឆ្នាំ២០២៣ វេលាម៉ោង១:០០នាទី កម្លាំងព្រហ្មទណ្ឌ សហការជាមួយកម្លាំងប៉ុស្តិ៍រដ្ឋបាលទាំងបី នៃអធិការដ្ឋាននគរបាលក្រុងខេមរភូមិន្ទ ចុះស្រាវជ្រាវឈានដល់ឃាត់ខ្លួនជនសង្ស័យចំនួន៦នាក់ ជាមុខសញ្ញាលួចម៉ូតូសកម្មក្នុងក្រុងខេមរភូមិន្ទ និងស្រុកមណ្ឌលសីមា។
ជនសង្ស័យទាំង៦នាក់ ដែលបានឃាត់ខ្លួនរួមមាន៖
១. ឈ្មោះ ខេម សុខសម្បត្តិ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិ៣ សង្កាត់ស្មាច់មានជ័យ។
២. ឈ្មោះ លួង ឆៃហ៊ួ ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិ២ សង្កាត់ដងទង់។
៣. ឈ្មោះ ចាន់ សំណាង ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិស្ទឹងវែង សង្កាត់ស្ទឹងវែង។
៤. ឈ្មោះ ផេង បញ្ញា ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិ៤ សង្កាត់ដងទង់។
៥. ឈ្មោះ ជិន ឡាយ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិ១ សង្កាត់ស្មាច់មានជ័យ។
៦. ឈ្មោះ ឃួន សំណាង ភេទប្រុស អាយុ២៧ឆ្នាំ ជនជាតិខ្មេរ មុខរបរជាងម៉ូតូ ទីលំនៅភូមិគគី ឃុំឫស្សីជ្រុំ ស្រុកថ្មបាំង (អ្នកទទួលផល)។
វត្ថុតាងដែលបានដកហូតរួមមាន៖
-ម៉ូតូចំនួន ០៥គ្រឿង
-ទូរស័ព្ទចំនួន ០៤គ្រឿង។
បច្ចុប្បន្ន ជនសង្ស័យទាំង៦នាក់ និងវត្ថុតាង កម្លាំងជំនាញកសាងសុំណុំរឿងបញ្ជូនទៅផែនការងារ ព្រហ្មទណ្ឌខេត្តដើម្បីចាត់ការតាមនីតិវិធីបន្ត ៕
