មន្រ្តីឧទ្យានុរក្សនៃមន្ទីរបរិស្ថានខេត្តកោះកុង ប្រចាំស្នាក់ការត្រពាំងរូង និងកោះប៉ោ ដោះអន្ទាក់ដែលជនល្មើស ដាក់ចាប់សត្វព្រៃគ្រប់ប្រភេទបានជាង ៧០ខ្សែ
ភ្នំពេញ៖ មន្រ្តីឧទ្យានុរក្សនៃមន្ទីរបរិស្ថានខេត្តកោះកុង ប្រចាំស្នាក់ការត្រពាំងរូង នៅថ្ងៃទី១៧ ខែតុលា ឆ្នាំ២០២៣ បានចុះល្បាតទប់ស្កាត់ និងបង្រ្កាបបទល្មើសធនធានធម្មជាតិ ស្ថិតក្នុងភូមិត្រពាំងរូង ឃុំត្រពាំងរូង ស្រុកកោះកុង នៃដែនជម្រកសត្វព្រៃតាតៃ បានដោះអន្ទាក់ (អន្ទាក់ខ្សែ) ដាក់ចាប់សត្វព្រៃគ្រប់ប្រភេទ បានចំនួន៤៧ខ្សែ។ ចំពោះវត្ថុតាងក្រុមការងារបានយក មករក្សាទុកនៅស្នាក់ការល្បាត។
នៅថ្ងៃដដែល មន្រ្តីឧទ្យានុរក្សប្រចាំស្នាក់ការឧទ្យានុរក្សកោះប៉ោ បានចុះល្បាតទប់ស្កាត់ និងបង្រ្កាបបទល្មើសធនធានធម្មជាតិ ស្ថិតក្នុងភូមិកោះប៉ោ ឃុំប៉ាក់ខ្លង ស្រុកមណ្ឌលសីមា នៃដែនជម្រកសត្វព្រៃតាតៃ និងបានដោះអន្ទាក់ (អន្ទាក់ខ្សែ) ដែលជនល្មើស ដាក់ចាប់សត្វព្រៃគ្រប់ប្រភេទបានចំនួន២៥ខ្សែ។ ចំពោះវត្ថុតាងក្រុមការងារ បានយកមករក្សាទុកនៅស្នាក់ការ ៕
