មនុស្ស ៥នាក់បានស្លាប់ និងទាហាន២៣នាក់បាត់ខ្លួន ក្រោយទឹកជំនន់វាយប្រហារភាគឦសានប្រទេសឥណ្ឌា
ឥណ្ឌា÷មនុស្ស ៥ នាក់បានស្លាប់ និងបុគ្គលិកកងទ័ពឥណ្ឌា ២៣ នាក់កំពុងបាត់ខ្លួននៅក្នុងរដ្ឋ Sikkim ភាគឦសាននៃប្រទេសឥណ្ឌា បន្ទាប់ពីមានការផ្ទុះពពកដែលនាំឱ្យមានទឹកជំនន់ភ្លាមៗ។កងទ័ពឥណ្ឌាបានថ្លែងនៅក្នុងសេចក្តីថ្លែងការណ៍មួយថា ទឹកជំនន់បានកើតឡើងនៅក្នុងទន្លេ Teesta ក្នុងជ្រលងភ្នំ Lachen ទីក្រុង Sikkim ដោយសារតែ “ការផ្ទុះពពកភ្លាមៗ” លើបឹង Lhonak នៅភាគខាងជើងនៃរដ្ឋ។
ការផ្ទុះពពកគឺជាព្យុះភ្លៀងមួយរំពេច និងបំផ្លិចបំផ្លាញ។កងទ័ពបាននិយាយថា កម្រិតទឹកទន្លេបានកើនឡើងយ៉ាងឆាប់រហ័ស ដោយកើនឡើងដល់ប្រហែល ១៥-២០ ហ្វីតខ្ពស់ជាងធម្មតា កងទ័ពដែលបានបន្ថែមថា យានជំនិះចំនួន ៤១ គ្រឿងបានលិចនៅក្រោមទឹកជាលទ្ធផល។សាកសពមនុស្ស៥នាក់ត្រូវបានរកឃើញនេះបើយោងតាមសេចក្តីថ្លែងការណ៍របស់រដ្ឋាភិបាលក្រុង Sikkim។ប្រតិបត្តិការស្វែងរក និងជួយសង្គ្រោះកំពុងបន្ត ហើយមនុស្ស៣នាក់ត្រូវបានជួយសង្គ្រោះ។
យ៉ាងហោចណាស់មានស្ពានចំនួនបីបានដួលរលំ ហើយមនុស្សប្រហែល ៤២០ នាក់មកពីស្រុកចំនួនពីរត្រូវបានផ្លាស់ប្តូរទៅកាន់ជំរុំសង្គ្រោះ នេះបើយោងតាមរដ្ឋាភិបាលនៃ Sikkim ។ទឹកជំនន់មិនមែនជារឿងចម្លែកទេនៅក្នុងទីក្រុង Sikkim ដែលជារដ្ឋមួយនៅតំបន់ភ្នំហិម៉ាឡៃ ប៉ុន្តែអ្នកវិទ្យាសាស្ត្រច្បាស់ណាស់ថាអាកាសធាតុធ្ងន់ធ្ងរដូចជាព្យុះកំពុងកាន់តែញឹកញាប់ និងកាន់តែខ្លាំងនៅពេលដែលវិបត្តិអាកាសធាតុដែលបណ្តាលមកពីមនុស្សកើនឡើង។
