ឯកឧត្តម ស៊ន សារុន ដឹកនាំកិច្ចប្រជុំពិនិត្យសិក្សា និងវាយតំលៃលេីសំណេីសុំអភិវឌ្ឍន៍ដីចំណីអូរ និងទីតាំងនៅជាប់មាតអូរច្រកទ្វេភាគីណាមលៀរ ក្នុងស្រុកពេជ្រាដា
ភ្នំពេញ៖ ឯកឧត្តម ស៊ន សារុន អភិបាលខេត្តស្ដីទី នាព្រឹកថ្ងៃអង្គារ ៧រោច ខែទុតិយាសាឍ ឆ្នាំថោះ បញ្ចស័ក ព.ស.ត្រូវនឹងថ្ងៃទី០៨ ខែសីហា ឆ្នាំ២០២៣ បានអញ្ជើញដឹកនាំកិច្ចប្រជុំពិនិត្យសិក្សា និងវាយតំលៃលេីសំណេីសុំអភិវឌ្ឍន៍ដីចំណីអូរដែលមានទំហំ ០.៦៤ហិកតា និងទីតាំងនៅជាប់មាតអូរច្រកទ្វេភាគីណាមលៀរ ភូមិពូលុ ឃុំប៊ួស្រា ស្រុកពេជ្រាដា ខេត្តមណ្ឌលគិរី ដេីម្បីរៀបដាំដំណាំហូបផ្លែ និងសួនច្បារដេីម្បីលំអរអោយមានសោភ័ណ្ឌភាពតាមបណ្ដោយមាត់អូរ។
កិច្ចប្រជុំនេះក៏មានការអញ្ជេីញចូលរួមពីសំណាក់ លោកនាយករដ្ឋបាលសាលាខេត្ត លោកអភិបាល អភិបាលរងស្រុកពេជ្រាដា លោកអនុប្រធានមន្ទីរពាក់ព័ន្ធ ប្រធានស្នាក់ការត្រួតពិនិត្យច្រកទ្វាទ្វេភាគីណាមលៀរ និងមន្ត្រីពាក់ព័ន្ធមួយចំនួនទៀត ដែលកិច្ចប្រជុំនេះប្រព្រឹត្តទៅនៅសាលប្រជុំសាលាស្រុកពេជ្រាដា ៕
