ភ្នំពេញ៖ នៅស្នាក់ការគណបក្សឃុំគយមែង ស្រុកមង្គលបូរី ថ្ងៃទី០៧ ខែមករា ឆ្នាំ២០២៣ បានរៀបចំពិធីប្រកាសទទួលស្គាល់និងបញ្ចូលសមាជិក សមាជិកាថ្មីសរុបចំនួន១៥២នាក់ តាមសេចក្តីសម្រេចរបស់ គណៈកម្មាធិកានៃគណបក្សប្រជាជនឃុំគយមែងលេខ០១៩សស.គបឃ/ស ចុះថ្ងៃទី០២ ខែមករា ឆ្នាំ២០២៣ ។
ពិធីនេះដោយមានការចូលរួមពីលោក ស៊ីវ សុជាតិ ប្រធានក្រុមការងារខេត្តចុះជួយមូលដ្ឋានឃុំគយមែង លោករ័ត្ន ដាស៊ីណង់ ប្រធានគណៈកម្មាធិការនៃគណបក្សប្រជាជនស្រុកមង្គលបូរី និងក្រុមការងារស្រុក ចុះជួយឃុំ ភូមិ ជាច្រើនរូប ។
លោករ័ត្ន ដាស៊ីណង់ ប្រធានគណៈកម្មាធិការនៃគណបក្សប្រជាជនស្រុកមង្គលបូរីនិង លោក ស៊ីវ សុជាតិ ប្រធានក្រុមការងារខេត្តចុះជួយមូលដ្ឋានឃុំគយមែង បានថ្លែងអំណរគុណដល់សមាជិក សមា ជិកាថ្មីទាំង១៥២នាក់ ដែលបានស័គ្រចិត្តចូមករួមរស់ក្នុងជីវភាពនយោបាយជាមួយគណបក្សប្រជាជន ។ គណបក្សប្រជាជនកម្ពុជា គឺជាគណបក្សមួយដែលដឹកនាំដ៏ត្រឹមត្រូវសុចរិត យុត្តិធម៌ និងសុឆន្ទៈ ក្នុងការប្រមូលផ្ដុំកម្លាំងសាមគ្គីរបស់ជាតិ ចង់ប្រមូលផ្តុំ យុវជន យុវនារី ដែលជាសរសៃឈាមរបស់ជាតិ ។
លោក ស៊ីវ សុជាតិ គូសបញ្ជាក់ថា៖ រយៈពេល៤៤ឆ្នាំផ្តើមចេញពីថ្ងៃជ័យជម្នះ ៧មករា ១៩៧៩ កម្ពុជា ក្រោមមាគ៌ាដឹកនាំដ៏ត្រឹមត្រូវរបស់គណបក្សប្រជាជនកម្ពុជាសម្តេចតេជោ ហ៊ុន សែន បានជម្នះ រាល់ឧបស័គ្គ សម្រេចបានសមិទ្ធផលធំៗ ជាប្រវត្តិសាស្រ្ត ជាច្រើន ក្នុងនោះសង្រ្គោះប្រជាពលរដ្ឋពីគ្រោះប្រល័យពូជសាសន៍ ការពារបានយ៉ាងរឹងមាំ នូវសុខសន្តិភាព ឯករាជ្យ អធិបតេយ្យ បូរណភាពទឹកដី ខឿនសន្តិសុខជាតិ និងស្ថិរភាពនយោបាយ និងសុខដុមរមនារបស់ប្រជាជន នីតិរដ្ឋ លទ្ធិប្រជាធិបតេយ្យ សេរីពហុបក្ស សិទ្ធិនិងសេចក្តីថ្លៃថ្នូរ។ ជាពិសេសថ្មីៗនេះបានសង្រ្គោះជិវិតប្រជាពលរដ្ឋពីជំងឺដ៏កាចសាហាវកូវីដ-១៩ គោលនយោបាយចាក់ស្រោចវ៉ាក់សាំង បង្កើតភាពស៊ាំ បើកប្រទេសឡើងវិញតាមគន្លងប្រក្រតីភាពថ្មី។
លោកប្រធានក្រុមការងារខេត្ត ចុះជួយមូលដ្ឋានឃុំគយមែង បានបញ្ជាក់ទៀតថា៖ ការប្រកាសទទួលស្គាល់និងបញ្ចូលសមាជិកថ្មី គឺជាយុវជនដែលគ្រប់អាយុបោះឆ្នោត ប្រធានក្រុមការងារត្រូវថែទាំអប់រំដល់សមាជិក សមាជិកា ដែលទើបប្រកាសថ្មី និងមិនទាន់ចូលជាសមាជិក កុំចាញ់ឧបាកលគណបក្សផ្សេង ថែរក្សាឯកសារសម្រាប់បោះឆ្នោតឲ្យបានល្អ។រួមគ្នាបោះឆ្នោតជូនគណបក្សប្រជាជនកម្ពុជា ឈ្នះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ នៅថ្ងៃអាទិត្យទី២៣ ខែកក្កដា ឆ្នាំ២០២៣ខាងមុខនេះ។
ជាមួយគ្នានោះដែរ លោកស៊ីវ សុជាតិ បានអំពាវនាវដល់សមាជិក សមាជិកាដែលទើបប្រកាសថ្មីទាំងអស់ត្រូវបន្តខិតខំប្រឹងប្រែងអនុវត្តការងារឲ្យដូចភ្លៀងរលឹម និងសាមគ្គីភាព ឯកភាពផ្ទៃក្នុង បន្តចូលរួមជាមួយសម្តេចតេជោហ៊ុន សែន អនុវត្តគោលនយោបាយគណបក្ស និងរាជរដ្ឋាភិបាលដើម្បីបន្តការអភិវឌ្ឍឲ្យរីកចម្រើនដល់មូលដ្ឋានយើងជាបន្តទៀត ។
នាឱកាសនោះដែរ គណៈអធិបតីក៏បានចែកជូនសារុងម្នាក់០១ ជូនដល់សមាជិក សមាជិកាថ្មីទាំង១៥២នាក់នោះផងដែរ៕
