**ក្រុមប្រឹក្សាខេត្តស្ទឹងត្រែង បើកកិច្ចប្រជុំសាមញ្ញលើកទី១ អាណត្តិទី៤**ឧបនាយករដ្ឋមន្រ្តី ស សុខា ពេញចិត្តការរៀបចំសេចក្ដីព្រាងអនុក្រឹត្យស្ដីពីការសុំច្បាប់ និងការអនុញ្ញាតច្បាប់ឈប់គ្រប់ប្រភេទរបស់មន្រ្តីនគរបាលជាតិកម្ពុជា**WB អនុម័តលើកញ្ចប់ឥណទានថ្មីតម្លៃ ២៧៥លានដុល្លារ សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ**អាជ្ញាធរខេត្តកំពង់ឆ្នាំង សហការជាមួយសមាគមក្រុមការងារ១០០រាត្រី និងអង្គការមេត្តាធម្មជាតិ ដឹកនាំយុទ្ធនាការដាំកូនឈើព្រៃលិចទឹក នៅក្នុងស្រុកបរិបូរណ៍ នាថ្ងៃ២៤ មិថុនា**មន្ត្រីជាន់ខ្ពស់ក្រសួងកសិកម្ម អំពាវនាវឲ្យបងប្អូនប្រជាកសិករបង្កើនការប្រុងប្រយ័ត្ន ករណីផ្ទុះដង្កូវហ្វូងបង្កការខូចខាតកសិផល**សប្តាហ៍ទី២ នៃខែមិថុនានេះ ក្រុមការងារពិនិត្យ និងតាមដានការសាងសង់ ក្រោយទទួលបានការអនុញ្ញាតនាពេលកន្លងមកបាន ៦០ករណី និងជួសជុលតូចតាចដោយក្រុមការងារសហគមន៍ ១៥៤ករណី**ក្រសួងអភិវឌ្ឍន៍ជនបទ និងខិតខំលើកកម្ពស់កម្រិតគុណភាពផ្លូវជនបទ ឱ្យក្លាយជាផ្លូវដែលអាចធន់និងការប្រែប្រួលអាកាសធាតុ**CoolApp ជាបណ្តាញទំនាក់ទំនងសង្គម Chat លើកដំបូងរបស់កម្ពុជា ដែលមានលក្ខណៈស្តង់ដារបរទេសដូច Telegram និង WhatsApp**ឯកឧត្ដម វ៉ី សំណាង អំពាវនាវយ៉ាងទទូចដល់អាជ្ញាធរដែនដី ស្រុក ឃុំ ភូមិ តាមដានជាប់ជាប្រចាំ ករណីដង្កូវហ្វូងស៊ីបំផ្លាញដំណាំស្រូវប្រជាកសិករ**ឯកឧត្តម ឈាង វុន អញ្ជើញជាអធិបតីក្នុងកម្មវិធី ធ្វើបទបង្ហាញស្តីពីរចនាសម្ព័ន្ធ តួនាទី​ និងភារកិច្ចរបស់ PBO នៃអគ្គលេខាធិការដ្ឋានព្រឹទ្ធសភា ជូនគណៈកម្មការទី២ នៃរដ្ឋសភា​ និងមន្ត្រីពាក់ព័ន្ធនៃរដ្ឋសភា**ក្រុមហ៊ុនចិន សន្យាបន្តទាក់ទាញក្រុមហ៊ុនវិនិយោគឲ្យបាន ១០០ក្រុមហ៊ុន មកបណ្ដាក់ទុនរកស៊ីនៅកម្ពុជា ក្នុងឆ្នាំ២០២៤នេះ**អគ្គនាយករង ប.ស.ស. អញ្ជើញធ្វើបទបង្ហាញពីប្រព័ន្ធសន្តិសុខសង្គម នៅក្នុងវគ្គបណ្តុះបណ្តាលស្តីពី “ការពង្រឹងសមត្ថភាពជនបង្គោលយេនឌ័រ”**ឃាត់ខ្លួនក្រុមក្លែងបន្លំ ធ្វើជានគរបាល ក្រោយធ្វើ​សកម្មភាព​ចាប់​ជំរិត​មនុស្ស ៣នាក់**ក្រសួងមុខងារសាធារណៈ និងធនាគារពិភពលោក រៀបចំសិក្ខាសាលា ចែករំលែកបទពិសោធលើការងារវិភាគមុខងារ និងរចនាសម្ព័ន្ធក្រសួង-ស្ថាប័ន**លោកជំទាវ គឹម សេដ្ឋានី ប្រគល់វិញ្ញាបនបត្របញ្ជាក់ការសិក្សាថ្នាក់ទី៦ និងប្រគល់ពានរង្វាន់ បណ្ណសរសើរ លិខិតសរសើរ បញ្ចប់ឆ្នាំសិក្សា ២០២៣-២០២៤ នៃសាលាអាមេរិកាំងហ្គោលឌិនហ្គេត**លោកជំទាវរដ្ឋលេខាធិការប្រចាំការក្រសួងអប់រំ អញ្ជើញសម្ពោធមជ្ឈមណ្ឌលស្តាឌីអ៊ីនឆាយណា និងបើកស្លាកមជ្ឈមណ្ឌលសិក្សាខុងជឺកម្ពុជា នៅភ្នំពេញ**កម្លាំងនាយកដ្ឋាននគរបាលព្រហ្មទណ្ឌ ដឹកនាំស្រាវជ្រាវបង្ក្រាបករណីចាក់សាំងដុតជនជាតិចិន នៅសណ្ឋាគារអន្ដរជាតិខេត្តព្រះសីហនុ, ជនដៃដល់ត្រូវចាប់ខ្លួនបាននៅខេត្តកំពង់ឆ្នាំង**សហភាពសិទ្ធិកម្មករកម្ពុជា ដាក់លិខិតនៅក្រសួងមហាផ្ទៃរួចហើយ ដើម្បីស្នើសង់ត្រាល់ កែតម្រូវខ្លឹមសារ នៃរបាយការណ៍របស់ខ្លួនឡើងវិញ**អភិបាលខេត្តពោធិ៍សាត់៖ អ្វីៗដែលមានសព្វថ្ងៃនេះ គឺបានមកពីការលះបង់សាច់ស្រស់ ឈាមស្រស់ និងអាយុជីវិត របស់អតីតយុទ្ធជន**ឧត្តមសេនីយ៍ឯក សុខ វាសនា ជួបប្រជុំជាមួយ តំណាងអគ្គនាយកដ្ឋានគយ និងតំណាងក្រសួងសុខាភិបាល ដើម្បីពិនិត្យពិភាក្សាលើសេចក្ដីព្រាង អនុក្រឹត្យស្ដីពីការបង្កើត និងដាក់ឱ្យដំណើរជាផ្លូវការនូវប្រព័ន្ធសលាកបត្រអេឡិចត្រូនិកចូលកម្ពុជា

សម័យប្រជុំពេញអង្គលើកទី២ នៃមហាសន្និបាតអាយប៉ាលើកទី៤៣ បានអនុម័តលើរបាយការណ៍ របស់គណៈកម្មាធិការចំនួន៦ និងប្រគល់ទង់ជាសភាសង្កេតការណ៍ ដល់សភាជាដៃគូចំនួន៣

ភ្នំពេញ៖ មហាសន្និបាតអន្តរសភាអាស៊ាន លើកទី៤៣ ដែលបានរៀបចំឡើងក្រោមមូលបទ «បោះជំហានជាមួយគ្នា ដើម្បីចីរភាព បរិយាបន្ន និងភាពធន់របស់អាស៊ាន» បានបើកសម័យប្រជុំពេញអង្គលើកទី២ នៅថ្ងៃទី២៣ ខែវិច្ឆិកា នៅសណ្ឋាគារសុខាភ្នំពេញ ដោយបានអនុម័តលើរបាយការណ៍ នៃគណៈកម្មាធិការជំនាញរបស់អាយប៉ាចំនួន៦ និងបានប្រគល់ទង់កិត្តិយសជាសភាសង្កេតការណ៍ដល់សភានៃប្រទេសជាដៃគូចំនួន៣។

សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា និងជាប្រធានអន្តរសភាអាស៊ាន លើកទី៤៣ បានអញ្ជើញដឹកនាំ សម័យប្រជុំពេញអង្គលើកទី២ នៃមហាសន្និបាត អាយប៉ាលើកទី៤៣ នេះ ជាមួយនឹងវត្តមានចូលរួមរបស់គណៈប្រតិភូសភានៃប្រទេសសមាជិកអាស៊ានចំនួន៨ ប្រទេស រួមមាន សភាព្រុយណេដារូស្សាឡាម កម្ពុជា ឥណ្ឌូនេស៊ី ឡាវ ហ្វីលីពីន សឹង្ហបុរី ថៃ និងវៀតណាម។

នៅក្នុងសម័យប្រជុំនាពេលនេះ មានការធ្វើបទបង្ហាញពីរបាយការណ៍កិច្ចប្រជុំ ដោយគណៈកម្មាធិការសមាជិកសភាស្ត្រីអាយប៉ា គណៈកម្មាធិការសមាជិកសភាវ័យក្មេងអាយប៉ា គណៈកម្មាធិការនយោបាយអាយប៉ា គណៈកម្មាធិការសេដ្ឋកិច្ចអាយប៉ា គណៈកម្មាធិការសង្គមកិច្ចអាយប៉ា និងគណៈកម្មាធិការរៀបចំអាយប៉ា ដោយសម័យប្រជុំពេញអង្គលើកទី២នេះ បានធ្វើការអនុម័តលើរបាយការណ៍របស់គណៈកម្មាធិការជំនាញទាំង៦នេះ ផងដែរ។

សេចក្តីព្រាងសេចក្តីសម្រេចរបស់គណៈកម្មាធិការជំនាញអាយប៉ាទាំង៦ គឺ ត្រូវបានគណៈកម្មាធិការនីមួយៗ បានធ្វើការពិភាក្សា នៅក្នុងកិច្ចប្រជុំគណៈកម្មាធិការរៀងៗខ្លួន កាលពីថ្ងៃទី២១ និងថ្ងៃទី២២ ខែវិចិ្ឆកា ឆ្នាំ២០២២ កន្លងមក។

សម័យប្រជុំ ក៏បានរៀបចំពិធីប្រគល់ទង់កិត្តិយសជាសភាសង្កេតការណ៍របស់អាយប៉ា ជូនដល់សភានេប៉ាល់ សភាអាស៊ែបៃហ្សង់ និងសភាសហរដ្ឋអាមេរិក ដែលបានក្លាយជាសភាសង្កេតការណ៍របស់អាយប៉ា ចាប់តាំងពីមហាសន្និបាតអន្តរសភាអាស៊ាន (AIPA) លើកទី៤៣នេះតទៅ។

សម្តេចអគ្គមហាពញាចក្រី ហេង សំរិន ប្រធានអង្គប្រជុំ បានមានប្រសាសន៍លើកឡើងពីសារៈសំខាន់ និងតួនាទី នៃស្ថាប័នសភា នៃរដ្ឋជាសមាជិកអាស៊ាន ក្នុងការចូលរួមលើកកម្ពស់កិច្ចសហប្រតិបត្តិការក្នុងតំបន់ សំដៅរក្សាស្ថិរភាព សន្តិសុខ សេដ្ឋកិច្ច វិនិយោគ ទេសចរណ៍ និងការស្តារសកម្មភាពសង្គម-សេដ្ឋកិច្ចឡើងវិញក្រោយវិបត្តិកូវីដ១៩។

សម្តេចបានលើកឡើងទៀតថា មហាសន្និបាតអន្តរសភាអាស៊ាន លើកទី៤៣ គឺជាការបង្ហាញពីកិច្ចសហប្រតិបត្តិការយ៉ាងជិតស្និទ្ធរវាងសភាក្នុងតំបន់ និងដៃគូសន្ទនា ដើម្បីឆ្លើយតប ឱ្យមានប្រសិទ្ធភាពខ្ពស់ លើបញ្ហាប្រឈមនានាក្នុងតំបន់ និងពិភពលោក។

អន្តរសភាអាស៊ានជាវេទិកាសភាបណ្ដាប្រទេសជាសមាជិកអាស៊ានដែលបានប្រមូលផ្តុំនូវមតិយោបល់ ទស្សនៈរបស់តំណាងពលរដ្ឋ ក្នុងការលើកកម្ពស់យន្តការសភា ក្រោមចក្ខុវិស័យទូលំទូលាយ និងកិច្ចសហប្រតិបត្តិការជិតស្និទ្ធ ដើម្បីដោះស្រាយបញ្ហារួម ដែលប៉ះពាល់ដល់តំបន់អាស៊ីអាគ្នេយ៍ ក៏ដូចជាពិភពលោក ឱ្យមានសន្តិសុខ ស្ថិរភាព និងវិបុលភាពប្រកបដោយចីរភាព។

ប្រទេសជាសមាជិករបស់អាយប៉ា រួមមាន ប្រទេសព្រុយណេដារូស្សាឡាម កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សឹង្ហបុរី ថៃ និងប្រទេសវៀតណាម ៕

អត្ថបទដែលជាប់ទាក់ទង