លោក Xi Jinping ដាក់ឱ្យប្រើប្រាស់ នាវាផ្ទុកយន្តហោះដំបូងគេរបស់ចិន ដែលបំពាក់ដោយប្រព័ន្ធអេឡិចត្រូម៉ាញ៉េទិច catapult

ប៉េកាំង៖ លោក Xi Jinping ថ្ងៃទី ៥ ខែវិច្ឆិកា អញ្ជើញក្នុងពិធីប្រគល់ទង់ និងដាក់ ឱ្យប្រើប្រាប់នៃ នាវាផ្ទុកយន្តហោះដំបូងគេរបស់ប្រទេសចិន ដែលបំពាក់ដោយប្រព័ន្ធអេឡិចត្រូម៉ាញ៉េទិច catapult ជាឧបករណ៍ដែលអាចឱ្យយន្តហោះបង្កើនល្បឿន មុនពេលហោះចេញពីនាវា បាន ប្រារព្ធធ្វើ នៅ កំពង់ផែយោធាមួយ នៅក្រុង Sanya ខេត្ត Hainan ប្រទេសចិន។

លោក Xi Jinping អគ្គលេខាធិការ នៃគណៈកម្មាធិការ មជ្ឈិមបក្ស កុម្មុយនីស្ត ចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិន បាន អញ្ជើញចូលរួមពិធីប្រគល់ទង់និងដាក់ ឱ្យប្រើប្រាស់ព្រមទាំងឡើង ត្រួតពិនិត្យការងារនៅលើនាវា។

លោក Xi Jinping បានយកចិត្តទុកដាក់ ជាប់រហូតមកចំពោះការកសាង និងអភិវឌ្ឍន៍ នាវាផ្ទុកយន្តហោះរបស់ចិន។

បន្ទាប់ពីពិធីនេះលោក Xi Jinpingបានឡើងលើនាវាផ្ទុក យន្តហោះ Fujian ដើម្បី ស្តាប់របាយការណ៍ ស្តីពីការកសាងនិងអភិវឌ្ឍន៍នាវាផ្ទុកយន្តហោះ របស់ប្រទេសចិន ព្រមទាំងបានស្វែងយល់ពីស្ថានការណ៍ កសាងសមត្ថភាពប្រយុទ្ធ នៃប្រព័ន្ធនាវាផ្ទុកយន្តហោះ និងការកសាង និងប្រើប្រាស់ ប្រព័ន្ធអេឡិចត្រូម៉ាញ៉េទិច catapult។

បន្ទាប់មក លោក Xi Jinping បានឡើង ទៅប៉មនាវាផ្ទុកយន្តហោះ Fujian ដើម្បី ស្វែងយល់ពី ស្ថានការណ៍បញ្ជាការនិង ប្រតិបត្តិការយន្តហោះហោះឡើងនិងចុះចត៕