អ៊ុយក្រែនទទួលបានគ្រាប់មីស៊ីលសម្រាប់ប្រព័ន្ធខែលប្រឆាំងមីស៊ីល Patriot និងប្រព័ន្ធបាញ់រ៉ុក្កែត HIMARS នៅក្នុងកញ្ចប់អាវុធដំបូងនៅក្រោមកម្មវិធីមូលធិនិថ្មីមួយព្រមព្រៀងដោយអាមេរិក និងសម្ព័ន្ធមិត្តរបស់អាមេរិកក្នុងតំបន់អឺរ៉ុប
វ៉ាស៊ីនតោន៖ លោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន នៅថ្ងៃពុធ ទី១៧ ខែកញ្ញា បាននិយាយថាអ៊ុយក្រែនទទួលបានគ្រាប់មីស៊ីលសម្រាប់ប្រព័ន្ធខែលប្រឆាំងមីស៊ីល Patriot និងប្រព័ន្ធបាញ់រ៉ុក្កែត HIMARS នៅក្នុងកញ្ចប់អាវុធដំបូងដែលកំពុងត្រូវបានបញ្ជូន នៅក្រោមកម្មវិធីមូលធិនិថ្មីមួយព្រមព្រៀងដោយសហរដ្ឋអាមេរិក និងសម្ព័ន្ធមិត្តរបស់អាមេរិកក្នុងតំបន់អឺរ៉ុប។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។
តាមលោក ហ្សេលេនស្គី អ៊ុយក្រែនមកទល់នឹងពេលនេះទទួលបានជំនួយយោធាជាង២ពាន់លានដុល្លារដើម្បីទិញអាវុធផលិតដោយសហរដ្ឋអាមេរិកតាមរយៈយន្ដការថ្មីមួយដឹកនាំដោយ NATO។
លោក បន្ថែមថាគិតជាសរុបមានមូលនិធិ ៣.៥ពាន់លានដុល្លារត្រូវបានសន្យាថានឹងផ្ដល់ឱ្យអ៊ុយក្រែននៅក្នុងខែតុលាខាងមុខ ហើយសម័ន្ធមិត្ត NATO សង្ឃឹមថាអាចនឹងផ្គត់ផ្គង់អាវុធទំហំ ១០ពាន់លានដុល្លារ ទៅឱ្យអ៊ុយក្រែន។
គួរបញ្ជាក់ថា នៅក្រោមអាណត្តិរបស់លោក ដូណាល់ ត្រាំ សហរដ្ឋអាមេរិកកំពុងផ្តោតលើការលក់អាវុធទៅឱ្យអ៊ុយក្រែន ឬក៏ផ្ដល់ជាអំណោយនូវអាវុធដែលត្រូវបានអនុញ្ញាតដោយអតីតប្រធានាធិបតីអាមេរិក លោក ចូ បៃដិន តែប៉ុណ្ណោះ៕
