ឯកឧត្ដម មាន ចាន់យ៉ាដា អមដំណើរ ឯកឧត្ដម ច័ន្ទ លំផាត់ ចូលរួមគោរពវិញ្ញាណក្ខន្ធ និងរំលែកមរណទុក្ខដ៏ក្រៀមក្រំជាមួយក្រុមគ្រួសារសព នាយចំណង់ ជួន វង្ស ដែលស្លាប់ដោយសារជំងឺរលាកសួត ស្ថិតនៅស្រុកបន្ទាយអំពិល

ភ្នំពេញ៖ នៅរសៀលថ្ងៃទី០៥ ខែកញ្ញា ឆ្នាំ២០២៥នេះ ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្តឧត្ដរមានជ័យ បានអញ្ញើញអមដំណើរ ឯកឧត្ដម ច័ន្ទ លំផាត់ អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ ឯកឧត្ដមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាប្រធានក្រុមការងារចុះមូលដ្ឋានខេត្តឧត្តរមានជ័យ ចូលរួមគោរពវិញ្ញាណក្ខន្ធ និងចូលរួមរំលែកមរណទុក្ខដ៏ក្រៀមក្រំជាមួយក្រុមគ្រួសារនៃសព នាយចំណង់ ជួន វង្ស ដែលស្លាប់ដោយសារជំងឺរលាកសួត ស្ថិតនៅក្នុងភូមិសិទ្ធសេរី ឃុំគោកមន ស្រុកបន្ទាយអំពិល៕