ឯកឧត្តម ច័ន្ទ សុភក្ត្រា ផ្ញើលិខិតអបអរសាទរចំពោះ សម្តេច គុយ សុផល ក្នុងឱកាសដែលត្រូវបានសន្និបាតគណៈកម្មាធិការកណ្តាល លើកទី៤៥ អាណត្តិទី៥ បោះឆ្នោតជ្រើសតាំងបំពេញបន្ថែមជា «សមាជិកគណៈអចិន្ត្រៃយ៍នៃគណៈកម្មាធិការកណ្តាល»
ភ្នំពេញ៖ ឯកឧត្តម ច័ន្ទ សុភក្ត្រា សមាជិកគណៈកម្មាធិការកណ្តាល គណបក្សប្រជាជនកម្ពុជា បានផ្ញើលិខិតអបអរសាទរចំពោះ សម្តេចមហាមន្ត្រី គុយ សុផល ក្នុងឱកាសដែលត្រូវបានសន្និបាតគណៈកម្មាធិការកណ្តាល លើកទី៤៥ អាណត្តិទី៥ បោះឆ្នោតជ្រើសតាំងបំពេញបន្ថែមជា «សមាជិកគណៈអចិន្ត្រៃយ៍នៃគណៈកម្មាធិការកណ្តាល»។
ក្នុងឱកាសដ៏វិសេសវិសាលនេះ ខ្ញុំបាទសូមសម្តែងនូវអំណរសាទរឥតឧបមា ក្នុងមនោសញ្ចេតនាគោរពស្រឡាញ់ដ៏ជ្រាលជ្រៅ និងសូមប្រសិទ្ធពរជ័យ សិរីមង្គល វិបុលសុខ បវរ មហាប្រសើរដោយស្មោះអស់ពីដួងចិត្តជូនចំពោះ សម្តេចមហាមន្ត្រី គុយ សុផល សូមបានប្រកបដោយសុខភាពល្អ បរិបូរណ៍ កាយពលរឹងមាំ ប្រាជ្ញាឈ្លាសវៃ ជន្មាយុយឺនយូរ ដើម្បីរួមចំណែកដឹកនាំគណបក្សប្រជាជនកម្ពុជា រឹងមាំ រីកចម្រើន សម្រេចបានជោគជ័យថ្មីៗ ធំធេងថែមទៀត និងអភិវឌ្ឍន៍មាតុភូមិ កម្ពុជាថ្កុំថ្កើងរុងរឿងតរៀងទៅ។
ឆ្លៀតក្នុងឱកាសដ៏ថ្លៃថ្លានេះ ខ្ញុំបាទសូមលើកហត្ថបួងសួងដល់វត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យកែវទាំងបី សូមព្រះអង្គតាមជួយថែរក្សា ប្រោះព្រំសព្ទសាធុការពរជ័យគ្រប់ប្រការជូនចំពោះសម្តេចមហាមន្ត្រី និងលោកជំទាវ ព្រមទាំងក្រុមគ្រួសារទាំងអស់ សូមបានប្រកបដោយពុទ្ធពរទាំងប្រាំប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមសម្តេចមហាមន្ត្រី គុយ សុផល និងលោកជំទាវ មេត្តាទទួលនូវគារវកិច្ចដ៏ខ្ពង់ខ្ពស់ពីខ្ញុំបាទ ៕
