សម្ដេចធិបតី ស្នើ CDC និងអាជ្ញាធរខេត្តពោធិ៍សាត់ សិក្សាគិតគូរការតភ្ជាប់ផ្លូវដែក និងផ្លូវថ្នល់នៅខេត្តពោធិ៍សាត់ ដើម្បីជំរុញការដឹកជញ្ជូន
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានថ្លែងស្នើឲ្យក្រុមប្រឹក្សាអភិវឌ្ឍន៍កម្ពុជា (CDC) និងអាជ្ញាធរខេត្តពោធិ៍សាត់សហការគ្នា ពិនិត្យមើល និងសិក្សាគិតគូរការតភ្ជាប់ផ្លូវដែក និងផ្លូវថ្នល់នៅខេត្តពោធិ៍សាត់ ដើម្បីជំរុញការដឹកជញ្ជូន ។
ក្នុងឱកាសអញ្ជើញជាធិបតី បិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដឆ្នាំ២០២៥ របស់ក្រសួងសាធារណការ និងដឹកជញ្ជូន នាថ្ងៃទី២៣ មករា សម្ដេចធិបតី ហ៊ុន ម៉ាណែត បានណែនាំឱ្យក្រសួងសាធាណការ សហការជាមួយភាគីពាក់ព័ន្ធ ពិនិត្យមើលបន្ថែមទៀត លើការអភិវឌ្ឍ ការស្ថាបនា និងការតភ្ជាប់បណ្ដាញផ្លូវដែក សម្រាប់ការដឹកញ្ជូនទំនិញផ្សេងរបស់កម្ពុជានៅក្នុងប្រទេស និងសម្រាប់តភ្ជាប់ទៅក្រៅប្រទេសផងដែរ។ ខណៈការដឹកញ្ជូនតាមផ្លូវដែកនឹងចូលរួមលើកកម្ពស់ការដឹកញ្ជូនទំនិញធុនធ្ងន់របស់កម្ពុជាឱ្យបានប្រសើរឡើងថែមទៀត។
សម្ដេចធិបតី បានថ្លែងអំណរគុណចំពោះក្រសួងសេដ្ឋកិច្ចនិងហិរញ្ញវត្ថុ ដែលបានសហការជាមួយក្រុមហ៊ុន royal កែច្នៃធ្វើឲ្យប្រសើរឡើងផ្គុំគ្នាចូលរួមលើកកម្ពស់ផ្លូវដែក ៕
