ប្រធានាធិបតីម៉ាល់ឌីវ ធ្វើទស្សនកិច្ចផ្លូវរដ្ឋលើកដំបូងទៅកាន់ប្រទេសឥណ្ឌា ក្នុងគោលបំណងដើម្បីពង្រឹងទំនាក់ទំនងល្អបន្ថែមទៀត

ញូវដែលី៖ ប្រធានាធិបតីម៉ាល់ឌីវ លោក Mohamed Muizzu ត្រូវបានទទួលស្វាគមន៍លើកម្រាលព្រំក្រហមក្នុងដំណើរបំពេញទស្សនកិច្ចផ្លូវរដ្ឋលើកដំបូងទៅកាន់ប្រទេសឥណ្ឌាកាលពីថ្ងៃចន្ទ ទី៧ ខែតុលា ដែលជាដំណើរមួយក្នុងគោលបំណងដើម្បីពង្រឹងទំនាក់ទំនងល្អបន្ថែមទៀត រវាងប្រទេសជិតខាងអាស៊ីខាងត្បូង។

លោក Mohamed Muizzu បានឡើងកាន់អំណាចកាលពីមួយឆ្នាំមុនលើការសន្យាថានឹងបណ្តេញកងទ័ពឥណ្ឌារាប់សិបនាក់ដែលដាក់ពង្រាយនៅក្នុងប្រជុំកោះតូចប៉ុន្តែមានទីតាំងយុទ្ធសាស្ត្ររបស់គាត់។

មេដឹកនាំអាស៊ីខាងត្បូងភាគច្រើនត្រូវបានអញ្ជើញទៅកាន់ទីក្រុង New Delhi ភ្លាមៗបន្ទាប់ពីពួកគេចូលកាន់តំណែង ប៉ុន្តែវាបានចំណាយពេលជិតមួយឆ្នាំសម្រាប់ប្រទេសឥណ្ឌាដើម្បីបំពេញទស្សនកិច្ចផ្លូវរដ្ឋមួយរបស់លោក Muizzu។

លោក Muizzu មានអាយុ ៤៦ឆ្នាំត្រូវបានស្វាគមន៍ដោយនាយករដ្ឋមន្ត្រីឥណ្ឌា លោក Narendra Modi និងប្រធានាធិបតី លោកស្រី Droupadi Murmu ជាមួយនឹងឆ្មាំកិត្តិយសរួមទាំងទ័ពសេះ និងក្រុមដើរក្បួននៅឯវិមានប្រធានាធិបតី។

ប្រទេសឥណ្ឌាបានជួបកាលបរិច្ឆេទខែឧសភារបស់លោល Muizzu ដើម្បីដកទាហានចំនួន ៧៨នាក់ដែលឈរជើងនៅក្នុងប្រទេសម៉ាល់ឌីវ ដើម្បីប្រតិបត្តិការឧទ្ធម្ភាគចក្រពីរគ្រឿង និងយន្តហោះស្លាបថេរ។

ទោះបីជាយ៉ាងណាក៏ដោយ យន្តហោះនេះនៅតែរក្សា និងកំពុងដំណើរការដោយនាវិកជនស៊ីវិលឥណ្ឌា។

លោក Muizzu បានឲ្យដឹងនៅក្នុងបទសម្ភាសន៍មួយនៅក្នុងកាសែត Times of India ដែលបានចេញផ្សាយកាលពីថ្ងៃចន្ទថា អ្វីដែលលោកបានធ្វើគឺជាអ្វីដែលប្រជាជនម៉ាល់ឌីវបានសួរពីលោក។

លោក Muizzu ត់បានប្រាប់កាសែតថា ម៉ាល់ឌីវនឹងមិនធ្វើអ្វីដែលធ្វើឱ្យខូចសន្តិសុខរបស់ប្រទេសឥណ្ឌា ខណៈពេលដែលយើងបង្កើនកិច្ចសហប្រតិបត្តិការរបស់យើងជាមួយប្រទេសផ្សេងទៀតក្នុងវិស័យផ្សេងៗ យើងនៅតែប្តេជ្ញាចិត្តក្នុងការធានាថាសកម្មភាពរបស់យើងមិនធ្វើឱ្យប៉ះពាល់ដល់សន្តិសុខ និងស្ថិរភាពនៃតំបន់របស់យើង។