ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា ប្រជាជនកម្ពុជា បានចងចាំនូវអនុស្សាវរីយ៍ដ៏ល្អៗរបស់ Gumball 3000 ពិសេសស្នាមញញឹមរបស់យេីង នឹងរង់ចាំអ្នកជានិច្វផងដែរ។
តាមរយៈបណ្ដាញសង្គមនៅថ្ងៃទី១៧ ខែកញ្ញា ឆ្នាំ២០២៤នេះ សម្ដេចធិបតី បានឱ្យដឹងយ៉ាងដូច្នេះថា “សូមអរគុណក្រុមប្រតិភូ Gumball 3000 ដែលបានបញ្ចប់បេសកកម្មដោយជោគជ័យនៅទឹកដីកម្ពុជា ហេីយសន្យាថានឹងមិនភ្លេចកម្ពុជា ដូចនេះយេីងនឹងមិនភ្លេចអ្នកដូចគ្នា ព្រមទាំងរីករាយទទួល និងស្វាគមន៍អ្នកត្រឡប់មកវិញជាថ្មីទៀតគ្រប់ពេលវេលា។
សូមជូនពរឱ្យការធ្វេីដំណេីរបន្តប្រកបដោយសុខសុវត្ថិភាព និងបន្តជោគជ័យក្នុងបេសកកម្មបន្ទាប់ ។
ប្រជាជនកម្ពុជា បានចងចាំនូវអនុស្សាវរីយ៍ដ៏ល្អៗរបស់ Gumball 3000 ពិសេសស្នាមញញឹមរបស់យេីង នឹងរង់ចាំអ្នកជានិច្វផងដែរ” ៕
