មន្ត្រីជាន់ខ្ពស់ក្រសួងធនធានទឹក ជួបប្រជុំពិភាក្សាការងារជាមួយក្រុមបេសកកម្មធនាគារអភិវឌ្ឍន៍អាស៊ី (ADB)

ភ្នំពេញ៖ នៅទីស្តីការក្រសួង ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំពិភាក្សាការងារជាមួយប្រតិភូក្រុមបេសកកម្មធនាគារអភិវឌ្ឍន៍អាស៊ី (ADB) ដឹកនាំដោយលោក Alvin Lopez មន្រ្តីជាន់ខ្ពស់មកពីទីស្នាក់ការកណ្តាល ប្រចាំទីក្រុងម៉ានីល ប្រទេសហ្វីលីពីន។

សូមជម្រាបថា កិច្ចប្រជុំនាពេលនេះមានការចូលរួមពី ឯកឧត្តម លោកជំទាវជាថ្នាក់ដឹកនាំ លោក លោកស្រី អគ្គនាយករង ប្រធាន អនុប្រធាននាយកដ្ឋាន ប្រធាន អនុប្រធានការិយាល័យទាំងអស់ចំណុះឱ្យក្រសួងធនធានទឹក និងឧតុនិយម លោកប្រធាន អនុប្រធានមន្ទីរធនធានទឹក និងឧតុនិយមមកពីបណ្តាខេត្តពាក់ព័ន្ធ ឯកឧត្តម លោកជំទាវ លោក លោកស្រី ជាតំណាងក្រសួងសេដ្ឋកិច្ច និងហិរញ្ញវត្ថុ និងក្រសួងស្ថាប័នពាក់ព័ន្ធទាំងអស់ ព្រមទាំងលោក លោកស្រី ជាមន្រ្តីជាន់ខ្ពស់មកពីទីស្នាក់ការកណ្តាលធនាគារអភិវឌ្ឍន៍អាស៊ី (ADB) និងសហការីជាតិ-អន្តរជាតិ ជាច្រើនរូបផងដែរ។

ឯកឧត្តមរដ្ឋលេខាធិការបានបញ្ជាក់ឱ្យដឹងថា ក្រោមកិច្ចសហការយ៉ាងជិតស្និទ្ធជាមួយក្រសួងសេដ្ឋកិច្ច និងហិរញ្ញវត្ថុ និងធនាគារអភិវឌ្ឍន៍អាស៊ី (ADB) កិច្ចប្រជុំពិភាក្សាក្នុងឱកាសនេះមានគោលបំណង ដើម្បីពិនិត្យមើលលទ្ធផលការងារដែលសម្រេចបាន និងផែនការដ៏រឹងមាំសម្រាប់ការអនុវត្តការងារបន្ត៕