ឧត្តមសេនីយ៍ទោ ស សំបូរធន អញ្ជើញចុះត្រួតពិនិត្យការងារនៅមជ្ឈមណ្ឌលភ្នំជុំសែនរីករាយ និងវិទ្យាស្ថានកំបូល
ភ្នំពេញ៖ នាព្រឹកថ្ងៃទី២ ខែកក្កដា ឆ្នាំ២០២៤ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និង នៅវិទ្យាស្ថានកងរាជអាវុធហត្ថកំបូល លោកឧត្តមសេនីយ៍ទោ ស សំបូរធន មេបញ្ជាការរង និងជា នាយសេនាធិការកងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យអាគារស្នាក់នៅ ផ្ទះបាយ បន្ទប់អនាម័យ គិលានដ្ឋាន និងទីតាំងនានាដើម្បីត្រៀមរៀបចំប្រារព្ធពិធីខួបលើកទី៣១ ទិវាបង្កើតកងរាជអាវុធហត្ថ នាថ្ងៃទី១៤ ខែកក្កដា ឆ្នាំ២០២៤ ខាងមុខនេះ។
ការចុះពិនិត្យនេះដោយអនុវត្តផែនការលេខ ៣១/២០២៤ផ.ក ចុះថ្ងៃទី២៧ ខែមិថុនា ឆ្នាំ២០២៤ របស់ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ស្តីពីផែនការមីទ្ទិញអបអរសាទរខួបអនុស្សាវរីយ៍លើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣ – ១៤ កក្កដា ២០២៤) និងពិធីបញ្ចុះបឋមសិលាបើកការដ្ឋានសាងសង់សាលមហោស្រព «គោកធ្លក» នៅវិទ្យាស្ថានកងរាជអាវុធហត្ថកំបូល៕
