នាយករដ្ឋមន្ត្រី ហ៊ុន ម៉ាណែត៖ ប្រព័ន្ធបញ្ជរតែមួយជាតិ អាចចាត់ទុកបានថា ជាសមិទ្ធផលរួមគ្នា របស់ក្រសួងស្ថាប័ន្ធ នៃរាជរដ្ឋាភិបាល

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានលើកឡើងថា ប្រព័ន្ធបញ្ជរតែមួយជាតិ អាចចាត់ទុកបានថា ជាជោគជ័យរួមគ្នា គឺសមិទ្ធផលរួមគ្នា របស់ក្រសួងស្ថាប័ន្ធ នៃរាជរដ្ឋាភិបាល ។

ក្នុងឱកាសអញ្ជើញប្រកាសដាក់ឱ្យអនុវត្តជាផ្លូវការប្រព័ន្ធបញ្ជរតែមួយជាតិ នៅថ្ងៃទី៧ ខែឧសភា ឆ្នាំ២០២៤ សម្ដេចធិបតី ហ៊ុន ម៉ាណែត បានមានប្រសាសន៍ថា ប្រព័ន្ធបញ្ជរតែមួយជាតិ នឹងក្លាយជាគំរូជោគជ័យមួយទៀត នៃការខិតខំប្រឹប្រែងរួមគ្នារបស់ក្រសួងស្ថាប័ន្ធ នៃរដ្ឋាភិបាល ដែលបានជន្នះនូវការលំបាក់ទាំងឡាយ ក្នុងដំណើរការសម្របសម្រួលស្ថាប័ន្ធ។

សម្ដេចធិបតី បញ្ជាក់ថា «ក្នុងន័យនេះ ប្រព័ន្ធបញ្ជរតែមួយជាតិ អាចចាត់ទុកបានថា ជាជោគជ័យរួមគ្នា គឺសមិទ្ធផលរួមគ្នា របស់ក្រសួងស្ថាប័ន្ធ នៃរាជរដ្ឋាភិបាល ក្នុងការអនុវត្តការងារ តាមអភិក្រម ចីរភាព នៃប្រព័ន្ធតួអង្គទាំងមួយ ការធ្វើការរួមគ្នាប្រកបដោយជោគជ័យ ក៏បានហុចផលដល់វិស័យឯកជន នឹងទទួលបានផលប្រយោជន៍ជាច្រើនពីប្រព័ន្ធបញ្ជរតែមួយជាតិ ដូចជា ៖ ចំណេញពេល កាត់បន្ថយការចំណាយ ដោយមិនចាំបាច់រត់ការពីក្រសួង-ស្ថាប័ន្ធមួយ ទៅក្រសួង ស្ថាប័ន្ធ មួយទៀតនោះទេ» ៕