មជ្ឈមណ្ឌលហ្វឹកហ្វឺនកងទ័ពជើងគោក បិទវគ្គហ្វឹកហ្វឺនបណ្តុះបណ្តាលនាយទាហានខេថ្នាក់កងអនុសេនាតូចថ្មើរជើងជំនាន់ទី២
ភ្នំពេញ៖ ឯកឧត្ត ឧត្តសេនីយ៍ឯក អ៊ួន សារឿន មេបញ្ជាការរង កងទ័ពជើងគោក នៅថ្ងៃទី១១ ខែមេសា ឆ្នាំ២០២៤ បានអញ្ជើញជាអធិបតីភាពក្នុងពិធីបិទវគ្គហ្វឹកហ្វឺនបណ្តុះបណ្តាលនាយទាហានខេថ្នាក់កងអនុសេនាតូចថ្មើរជើងជំនាន់ទី២ នៅមជ្ឈមណ្ឌលហ្វឹកហ្វឺនកងទ័ពជើងគោក ( ពេជ្រនិល ) ។
ថ្លែងក្នុងឱកាសនោះ ឧត្តសេនីយ៍ឯក អ៊ួន សារឿន បានអបអរសាទរដល់សិក្ខាកាមវគ្កហ្វឺនបណ្តុះបណ្តាលនាយទាហានខេថ្នាក់កងអនុសេនាតូចថ្មើរជើងជំនាន់ទី២ បានបញ្ចប់ដោយជោគជ័យ និងបានលទ្ធផលល្អប្រសើរគួជាទីមោទនៈ ។
ឧត្តមសេនីយ៍ឯក អ៊ួន សារឿន បានផ្តាំផ្ញើរដល់សិក្ខាកាមទាំងអស់ពេលវិលទៅអង្គភាពខ្លួនវិញ ត្រូវយកចំណេះដឹងដែលទទួលបានពីការសិក្សារៀនសូត្រទៅប្រើប្រាស់ឲ្យចំគោលដៅ និងមានប្រសិទ្ធភាព ត្រូវស្មោះត្រង់ដាច់ខាត ជាតិ សាសនា ព្រះមហាក្សត្រ ឈរលើមនសិការស្នេហាជាតិ គោរពឲ្យបានម៉ឺងម៉ាត់រាល់តួនាទី និងភារកិច្ចរបស់កងទ័ព និងបទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការដ្ឋាន នៃ ខ ភ ម បញ្ជាការដ្ឋាកងទ័ពជើងគោក និងយោធភូមិភាគទី៤ ដើម្បីពង្រឹងប្រៀបការពារជាតិ អធិបតេយ្យបូរណភាពទឹកដី រក្សាអោយបានសុខសន្តិភាពនិងការអភិវឌ្ឍន៏ ។ ត្រូវ បន្តយកចិត្តទុក្ខដាក់សិក្សារៀនសូត្រការងារអប់រំចិត្តសាស្ត្រ បទវិន័យ លក្ខ័ន្តិកៈ កងយោពលខេមរភូមិន្ទ បទដ្ឋានគតិយុត្តិផ្សេងៗដែលជាច្បាប់របស់រដ្ឋ ខិតខំបន្តស្រាវជ្រាវ ឯកសារថ្មីៗបន្ថែមទៀត បន្តរក្សាសាមគ្គីភាពឯកភាពផ្ទៃក្នុងល្អជានិច្ច ។ ត្រូវបន្តពង្រឹងជំហរស្មោះត្រង់ដាច់ខាតការពារ ជាតិ សាសនា ព្រះមហាក្សត្រ បន្តចូលរួមអនុវត្តន៏គោលនយោបាយយុទ្ធសាស្ត្របច្ចុកោណរបស់រាជរដ្ឋាភិបាល បន្តខិតខំកសាអង្គភាពរឹងមាំលើគ្រប់វិស័យ បន្តអនុវត្តន៏យ៉ាងម៉ឺងម៉ាត់រាល់បទបញ្ជារបស់ក្រសួងការពារជាតិ អគ្គបញ្ជាការ នៃកងយោធពលខេមរភូមិន្ទ បញ្ជាការដ្ខានកងទ័ពជើងគោកបាន ប្រគល់ជូន ៕
