លោក ញ៉ាញ់ ជាបហ៊ង ប្រធានមន្ទីរធនធានទឹកខេត្តកំពង់ស្ពឺ ដឹកនាំកិច្ចប្រជុំជាមួយអាជ្ញាធរមូលដ្ឋាន និងមន្ត្រីពាក់ព័ន្ធ ដើម្បីពិនិត្យលទ្ធផលកាងារ និងផែនការបន្ត
ភ្នំពេញ៖ នៅថ្ងៃទី១៥ ខែមករា ឆ្នាំ២០២៤ លោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ បានអញ្ជើញជួបប្រជុំជាមួយអាជ្ញាធរមូលដ្ឋាន និងមន្ត្រីពាក់ព័ន្ធ ដើម្បីពិនិត្យលទ្ធផលកាងារ និងផែនការបន្តដូចខាងក្រោម៖
១- ផ្សព្វផ្សាយជូនមន្ត្រីជំនាញពាក់ព័ន្ធ អាជ្ញាធរមូលដ្ឋានពីសេចក្ដីជូនដំណឹងបន្ថែម ស្ដីពីអាកាសធាតុបន្តដើមរដូវប្រាំងដល់ខែឧសភា ឆ្នាំ២០២៤ ដើម្បីបន្តតាមដានស្ថានភាពទឹកនៅតាមប្រព័ន្ធធារាសាស្រ្ត និងទីតាំងបងប្អូនប្រជាកសិករបង្កបង្កើនផលស្រូវរដូវប្រាំង ដែលជួបបញ្ហាប្រឈមកង្វះទឹក ងាយស្រួលក្នុងការអន្តរាគមន៍សង្គ្រោះទាន់ពេលវេលា ។
២-ជូនដីកាស្ដីពីការតែងតាំងមន្ត្រីរាជការរបស់រដ្ឋបាលខេត្តជូនដល់មន្ត្រីរាជការ ដែលជាអនុប្រធានមន្ទីរ ប្រធានការិយាល័យ និងអនុប្រធានការិយាល័យ ចំណុះមន្ទីរ ។
៣-ពិនិត្យលទ្ធផលកាងារ និងផែនការបន្តជាមួយមន្ត្រីជាប់កិច្ចសន្យា និងជូនលិខិតសសើរដល់មន្ត្រីកិច្ចសន្យា បម្រើកាងារប្រចាំឆ្នាំ២០២៣
៤-កាងារផ្សេងៗ ។
កិច្ចប្រជុំខាងលើមានការចូលរួមពីសមាសភាពពាក់ព័ន្ធ
រួមមាន ថ្នាក់ដឹកនាំ មន្ត្រីរាជការនៃមន្ទីរ លោកប្រធាន អនុប្រធានការិយាល័យពាក់ព័ន្ធនៃក្រុង ស្រុក ទាំង ៩
និងមន្ត្រីជាប់កិច្ចសន្យានៃមន្ទីរ សរុប វត្តមាន ៨១ រូបស្រី ១៨ រូប នៅសាលប្រជុំមន្ទីរធនធានទឹក និងឧតុនិយមខេត្តកំពង់ស្ពឺ៕
