ឯកឧត្តម ញ៉ែម សំអឿន៖ ស្ត្រីគឺជាត្បូងដ៏មានតម្លៃសម្រាប់គ្រួសារ ហើយតួអង្គស្ត្រី គឺមិនអាចខ្វះបាន ព្រោះស្ត្រីគឺជាឆ្អឹងខ្នងនៃសេដ្ឋកិច្ចគ្រួសារ

ភ្នំពេញ៖ ឯកឧត្តម ញ៉ែម សំអឿន អភិបាលខេត្តរតនគិរី និងលោកជំទាវ តំណាងដ៏ខ្ពង់ខ្ពស់សម្ដេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ នារសៀលថ្ងៃទី៣០ ខែមិថុនា ឆ្នាំ២០២៣ បានអញ្ជើញសំណេះសំណាលជាមួយអ្នកគ្រូពេទ្យ អ្នកគ្រូបង្រៀន និងថ្នាក់ដឹកនាំអនុសាខាសមាគមនារីខេត្តចំនួន ១៥០នាក់ ដែលប្រារព្ធធ្វើឡើងនៅសាលប្រជុំអគារA សាលាខេត្ត។

បន្ទាប់ពីលោកជំទាវ ញាន ទិត្យចិន្តា អភិបាលរងខេត្ត និងជាប្រធានសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត មានប្រសាសន៍មានស្វាគមន៍រួចមក ឯកឧត្តម ញ៉ែម សំអឿន បានថ្លែងថា ស្ត្រី គឺជាត្បូងដ៏មានតម្លៃសម្រាប់គ្រួសារ ហើយតួអង្គស្ត្រី គឺមិនអាចខ្វះបាន ព្រោះស្ត្រី គឺជាឆ្អឹងខ្នងនៃសេដ្ឋកិច្ចគ្រួសារ ជាពិសេសស្រ្តីក៏មានទួនាទីក្នុង
ការបញ្ជៀប និងផ្សព្វផ្សាយបន្ថែមទៀត នូវសមិទ្ធិផលជាច្រើនដែលបានកសាងឡើងដោយគណបក្សប្រជាជនជូនដល់ប្រជាពលរដ្ឋនៅមូលដ្ឋាន ដើម្បីឈានឆ្ពោះទៅដណ្តើម ជោគជ័យ នៃការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ នាពេលខាងមុខ។

ឯកឧត្តមអភិបាលខេត្ត បានបន្តទៀតថា កម្ពុជាបច្ចុប្បន្ន ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំប្រទេសឲ្យមានការរីកចម្រើន លើគ្រប់វិស័យ ក្រោមការអនុវត្តនូវនយោបាយឈ្នះ-ឈ្នះ និងបានធ្វើឲ្យកាន់តែប្រសើរឡើងនូវ «មនុស្ស ផ្លូវ ទឹក ភ្លើង» សម្រាប់ជាការអនុវត្តប្រចាំថ្ងៃ ដើម្បីចូលរួមចំណែកក្នុងការអភិវឌ្ឍប្រទេសជាតិ។ ជាការពិតណាស់គណបក្សប្រជាជនកម្ពុជាដែលមាន សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ជាថ្នាក់ដឹកនាំដ៏ឈ្លាសវៃប្រកបដោយកិត្តិបណ្ឌិត សម្តេចតែងតែគិតគូពីសុខទុក្ខរបស់ប្រជាពលរដ្ឋ ក្នុងនោះ សម្តេចបានគិតគូយ៉ាងយកចិត្តទុក់ចំពោះស្ត្រី ដោយបានកំណត់នូវគោលនយោបាយ និងយន្តការជាច្រើនទាំងក្នុងគោលនយោបាយគណៈបក្សប្រជាជន និងរាជរដ្ឋាភិបាលដើម្បីធានាលើការលើកកម្ពស់ និងឆ្លើយតបចំពោះស្ថានភាពជីវភាព សុខុមាលភាព និងការចូលរួមរបស់ស្រ្ដីក្នុងគ្រប់វិស័យ ទាំងវិស័យសាធារណៈ និងនយោបាយ។ ទន្ទឹមនឹងនោះ គណៈចលនាស្ត្រី នៃសមាគមនារីកម្ពុជាដើម្បីសន្តិភាព គឺជាផ្នែកមួយរបស់ គណបក្សប្រជាជនកម្ពុជា បានចូលរួមយ៉ាងសកម្មក្នុងការជម្រុញ និងលើកស្ទួយស្ត្រីឱ្យមានសមត្ថភាព ឋានៈ តួនាទី ស្មើមុខស្មើមាត់ជាមួយនឹងបុរស ដោយដាក់ចេញនូវគោលនយោបាយ និងយុទ្ធសាស្ត្រជាច្រើន ដើម្បីជួយឱ្យកំលាំងគណបក្សប្រជាជនកម្ពុជា កាន់តែមានកម្លាំង និងគ្រឹះរឹងមាំយូរអង្វែង។

នៅក្នុងឱកាសនេះ ឯកឧត្តម ញ៉ែម សំអឿន និងលោកជំទាវ បានចែកជូនដល់បងប្អូននារីដែលបានចូលរួមក្នុងម្នាក់ៗទទួលបានសារ៉ុង០១ និងថវិកា ២មុឺនរៀលផងដែរ ៕