ឯកឧត្តម អ៊ូច ភា ចុះជួបសំណេះសំណាល និងសាកសួរសុខទុក្ខជាមួយបងប្អូននិយោជក និងកម្មករនិយោជិតរោងចក្រ សាន ជីន (ខេមបូឌា) នីតធីង ថេកឡជី ឯ.ក សរុប៤៩០នាក់ នៅស្រុកព្រៃកប្បាស
ភ្នំពេញ៖ ឯកឧត្តម អ៊ូច ភា អភិបាលខេត្តតាកែវ នារសៀលថ្ងៃទី០៣ ខែមិថុនា ឆ្នាំ២០២៣ បានអញ្ជើញចុះជួបសំណេះសំណាល និងសាកសួរសុខទុក្ខជាមួយបងប្អូននិយោជក និងកម្មករនិយោជិតរោងចក្រ សាន ជីន (ខេមបូឌា) នីតធីង ថេកឡជី ឯ.ក សរុប៤៩០នាក់ នៅស្រុកព្រៃកប្បាស ដើម្បីអបអរសាទរខួបអនុស្សាវរីយ៍លើកទី១៣៧ នៃទិវាពលកម្មអន្តរជាតិ ១ឧសភា ២០២៣ ក្រោមប្រធានបទ «សន្ដិភាព ស្ថេរភាព មុខរបរ និងការងារ»។ សូមបងប្អូននិយោជក និងកម្មករនិយោជិតរោងចក្រទាំងអស់ ត្រូវរួបរួមសាមគ្គីគ្នា អោយបានល្អ ជាមួយប្រធានរោងចក្រ ដើម្បីដំណើរការងារអោយបានល្អ។
ជាមួយគ្នានេះឯកឧត្តមអភិបាលខេត្ត ក៏បានពាំនាំនូវថវិកាមួយចំនួន និងពាក្យផ្ដាំផ្ញើ ពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដែលជានិច្ចកាល សម្តេចតែងតែយកចិត្តទុកដាក់គិតគូរពីសុខទុក្ខរបស់បងប្អូននិយោជក និងកម្មករនិយោជិតរោងចក្រគ្រប់ៗរូប ៕
