មន្ទីរវប្បធម៌និងវិចិត្រសិល្បៈ ខេត្តបន្ទាយមានជ័យ ប្រារព្ធទិវាវប្បធម៌ជាតិ ៣មីនា លើកទី២៥ ឆ្នាំ២០២៣ ក្រោមប្រធានបទ«យុវជនដើម្បីវប្បធម៌ជាតិ»
ភ្នំពេញ៖ លោកជំទាវ អគ្គមហាឧបាសិកាពុទ្ធសាសនូបត្ថម្ភក៍បណ្ឌិត ម៉ៅ ម៉ាល័យ កែគឹមយ៉ាន អញ្ជើញ ជាអធិបភាពដ៏ខ្ពង់ខ្ពង់ ក្នុងពិធីប្រារព្ធទិវាវប្បធម៌ជាតិ ៣មីនា លើកទី២៥ ឆ្នាំ២០២៣ ក្រោមប្រធានបទ«យុវជនដើម្បីវប្បធម៌ជាតិ» ដោយមានការអញ្ជើញចូលរួមលោក យឹម សំណាង អភិបាលរង ខេត្តបន្ទាយមានជ័យ តំណាងដ៏ខ្ពង់ខ្ពស់ ឯកឧត្តម អ៊ុំ រាត្រី អភិបាលខេត្ត ឯកឧត្តម អ៊ុក សឿន សមាជិក ក្រុមប្រឹក្សា ខេត្ត ឯកឧត្តម ខេង ស៊ុម ប្រធានក្រុមប្រឹក្សាខេត្តបន្ទាយមានជ័យ ឯកឧត្តម លោកជំទាវ សមាជិកក្រុមប្រឹក្សាខេត្ត លោកសេនីយ៍មេបញ្ជាការ មេបញ្ជាការ រងកងរាជអាវុធហត្ថ ស្នងការ ស្នងការរង នគរបាល ខេត្ត លោក លោកស្រី អភិបាល អភិបាលរង ក្រុង/ស្រុក ថ្នាក់ដឹកនាំមន្ទីរ អង្គភាពនានាជុំវិញខេត្ត សិស្សានុសិស្ស បានចូលរួម ប្រារព្ធ ធ្វើ ឡើង នៅថ្ងៃទី ០៦ ខែមីនា ឆ្នាំ២០២៣ នៅសាលាប្រជុំធំសាលាខេត្តបន្ទាយមានជ័យ ។
លោក យង់ តាំងកួយ ប្រធានមន្ទីរវប្បធម៌ និងវិចិត្រសិល្បៈ ខេត្តបន្ទាយមានជ័យ បានលើកឡើងថា រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជាមាតា សន្តិភាព ជាប្រមុខដឹកនាំ បានណែនាំឱ្យមានការរៀបចំ ទិវាវប្បធម៌ ជាតិ ៣ មីនា លើកទី ២៥ ឆ្នាំ២០២៣ តាមបណ្តារាជធានី/ខេត្ត ក្រោមប្រធានបទ« យុវជន ដើម្បីវប្បធម៌ជាតិ » ដែលជា គោលបំណងជំរុញឱ្យយុវជន ដែលជាអ្នកបន្តវេនចេះស្រឡាញ់ នូវតម្លៃដ៏វិសេសវិសាលនៃសម្បត្តិវប្បធម៌ ប្រពៃណី ទំនៀមទម្លាប់ របស់ដូនតាយើង ដែលបានបន្សល់ទុក ។
លោកបានបន្តថា ក្នុងការអភិរក្ស និងការអភិវឌ្ឍន៍ ប្រមូលផ្តុំទៅលើ សកម្មភាព សំខាន់ៗដូចខាងក្រោមៈ ១. អភិរក្សរូបភាព/ ទម្រង់ នៃទស្សនីភាពខ្មែរគ្រប់ប្រភេទ។ ២. អភិរក្សក្បួនខ្នាត និង ចំណេះដឹងក្នុងការបង្កើត ការបង្រៀន ការសម្ដែង ការតុបតែង និង ការប្រើប្រាស់ សំលៀកបំពាក់។ ៣. អភិរក្សតម្លៃពិត (ទាំងខាងបច្ចេកទេស និង ស្មារតី)។៤. អភិរក្សពណ៌សំបុរ អត្តសញ្ញាណ។៥. អភិរក្សដើម្បី អភិវឌ្ឍន៍។
ថ្លែងក្នុងឧកាសនោះឯកឧត្តម យឹម សំណាង អភិបាលរងនៃគណៈអភិបាលខេត្តបានមានប្រសាសន៍ថា ៖ បច្ចុប្បន្ននេះ ក្នុងស្រទាប់យុវវ័យមួយចំនួនធំ កំពុងភ្លើតភ្លើនតាមវប្បធម៌បរទេស ធ្វើឲ្យព្រលឹងវប្បធម៌ជាតិខ្លួនត្រូវឃ្លាតឆ្ងាយ ភារកិច្ចដ៏ចាំបាច់បំផុតរបស់យើងទាំងអស់គ្នាគឺ ត្រូវទប់ស្កាត់នៃការហូរចូលវប្ប ធម៌ជាតិសាសន៍ដទៃ និងត្រូវរួមគ្នាលើកតម្កើង ការពារយ៉ាងប្ដូរផ្តាច់នោះគឺ អរិយធម៌ វប្បធម៌ ប្រពៃណី ជាតិខ្មែរយើង សមស្របនិងពាក្យស្លោកថា : “វប្បធម៌រលត់ជាតិរលាយ វប្បធម៌ពណ្ណរាយជាតិថ្កើនថ្កាន” – អនុលោមតាមពាក្យស្លោកខាងលើនេះដែរខ្ញុំសូមអោយ មន្ទីរវប្បធម៌ និងវិចិត្រសិល្បៈ សហការជាមួយ មន្ទីរដែនដីនគរូបបនីយ៍កម្មនិងសំណង់ខេត្ត ខិតខំបំពេញឯកសារពាក់ពន្ធ័ ធ្វើបណ្ណ័កម្មសិទ្ធិដីរដ្ឋ បុរាណដ្ឋានទូទាំងខេត្ត ឱ្យបានរួចរាល់ ក្នុងឆ្នាំ ២០២៣នេះ ការអភិរក្ស ការថែរក្សា ការការពារ មិនត្រឹមតែមន្ទីរ វប្បធម៌ និងវិចិត្រសិល្បៈតែប៉ុណ្ណោះទេ ត្រូវទាមទារការចូលរួមពី អាជ្ញាធរមូលដ្ឋាន កងកម្លាំងសមត្ថកិច្ច គ្រប់កងឯកភាព ជាពិសេស យើងទាំងអស់គ្នាត្រូវខិតខំប្រឹងប្រែង ដើម្បីប្រែក្លាយកម្ពុជា ជាព្រះរាជាណា ចក្រអច្ឆរិយដ៏រុងរឿងនាពេលខាងមុខ និងដើម្បីប្រែក្លាយ ទិវាវប្បធម៌ជាតិ ៣មីនា លើកទី២៥ របស់យើងនេះក្លាយជាទិវានៃការបង្កើនសក្តានុពលវប្បធម៌ជាតិ សំដៅធ្វើឲ្យវិស័យនេះបានចូលរួមចំណែកយ៉ាងពិតប្រាកដដល់ការអភិវឌ្ឍសង្គម និងសេដ្ឋកិច្ចជាតិ៕
