អគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ បញ្ជូនអត្តពលិក១២រូប ចូលរួមប្រកួតប្រជែងជើងឯកថ្នាក់ជាតិ២០២២
កីឡា៖ សមាគមកីឡាតេក្វាន់ដូ WT នៃអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ បានបញ្ជូនកីឡាករ កីឡាការិនីចំនួន១២នាក់ ប្រតិភូ០១រូប និងគ្រូបង្វឹក០២នាក់ ដោយចែកចេញជា២ក្លិប គឺក្លិបក្រសួងមហាផ្ទៃមនិងក្លិបអគ្គស្នងការនគរបាលជាតិ ដើម្បីចូលរួមការប្រកួតកីឡាតេក្វាន់ដូ WT ជ្រើសរើសជើងឯក ថ្នាក់ជាតិ ឆ្នាំ២០២២ ចាប់ពីថ្ងៃទី១៧ ដល់ថ្ងៃទី២០ ខែមករា ឆ្នាំ២០២៣ នៅពហុកីឡដ្ឋានជាតិ។
អត្តពលិក និងគ្រូបង្វឹកទាំង១៤រូប ដែលដឹកនាំដោយ លោកវរសេនីយ៍ទោ ជា ប៊ុនឆាយ ជាប្រធានប្រតិភូរួមមាន៖ ក្លិបក្រសួងមហាផ្ទៃ មាន ០៧រូបគឺ៖ ១. លោក ឆូយ ពុទ្ធា គ្រូបង្វឹក, ២. កីឡាករ មាន សូផល, ៣. កីឡាករ ចុន សុវណ្ណ, ៤. កីឡាករ សំ យូដេត, ៥. កីឡាការិនី រដ្ឋា សុត្ថារ័ត្ន, ៦. កីឡាការិនី ថាច់ ធីឌឿន និង ៧. កីឡាការិនី ឈឿង លីហ្សា។
ក្លិបអគ្គស្នងការនគរបាលជាតិ មាន ០៧រូប គឺ៖ ១. លោក ប៉ាន់ ខេមរា គ្រូបង្វឹក, ២. កីឡាករ កាំង លាំងឈុន, ៣. កីឡាករ អោក តុលាឡង់ឌី, ៤. កីឡាការិនី ណាង វណ្ណៈ, ៥. កីឡាការិនី ទួន ណាវុធ, ៦. កីឡាការិនី សំណាង វ៉ាន់ណែត និង ៧. កីឡាការិនី គ្រី លីដែន។
គួររម្លឹកថា ការប្រកួតកីឡាជាតិ លើកទី៣ ឆ្នាំ២០២២ កន្លងទៅ សមាគមកីឡាតេក្វាន់ដូ ក្រសួងមហាផ្ទៃ WT បានបញ្ជូន ប្រតិភូ គ្រូបង្វឹក និងកីឡាករ កីឡាការិនីសរុបចំនួន១៥រូប ឱ្យទៅចូលរួម។ ជាលទ្ធផល គឺក្រសួងមហាផ្ទៃ ជាប់ចំណាត់ថ្នាក់លេខ១ ក្រោយដណ្តើមបានមេដាយសរុប១២គ្រឿងក្នុងនោះ៖ មេដាយមាស១០ ប្រាក់០១ និងសំរឹទ្ធ០១គ្រឿង៕
