លោកជំទាវ ជូ ប៊ុនអេង អញ្ជើញបើកសិក្ខាសាលាសិក្ខាសាលាស្តីពីការបង្កើតនីតិវិធីបទដ្ឋាន នៃយន្តការបញ្ជូនថ្នាក់ជាតិសម្រាប់ជនរងគ្រោះដោយអំពើរជួញដូមនុស្ស និងជនទេសសន្តប្រវេសន៏ដែលងាយរងគ្រោះ
ភ្នំពេញ៖ អគ្គលេខាធិការនៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស សហការ ឧបត្ថម្ភគាំទ្រជាមួយអង្គការ IOM( UN MIGRATION) នៅថ្ងៃទី១៤ ខែកញ្ញា ឆ្នាំ២០២២ បានបើកសិក្ខាសាលាស្តីពីការបង្កើតនីតិវិធីបទដ្ឋាន នៃយន្តការបញ្ជូនថ្នាក់ជាតិសម្រាប់ជនរងគ្រោះដោយអំពើរជួញដូមនុស្ស និងជនទេសសន្តប្រវេសន៏ដែលងាយរងគ្រោះ។
នៅក្នុងកិច្ចប្រជុំពីភាក្សានោះមានការអញ្ជើញចូលរួមពីសំណាក់ឯកឧត្តម លោកជំទាវ មកពីក្រសួងផែនការ, ក្រសួង កិច្ចការនារី, ក្រសួងការងារបណ្តុះបណ្តាលវិជ្ជាជិវៈ,ក្រសួងសង្គមកិច្ច, និងមានការចូលរួមពីលោក លោកស្រីមកពីស្ថាប័នពាក់ព័ន្ធ, អង្គការជាតិ អន្តរជាតិ មានASIAN ACT, IJM, Winrock, ERIC, A21, MAC, ACRA, ILO, UNDP,HAGAR, HOME Of JUSTIC ប្រមាណ៤៥ រូប ស្រី១៣រូប។
លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តយ៏គ.ជ.ប.ជ បានថ្លែងសុន្ទរកថាបើកកម្មវិធី ប្រទេសកម្ពុជាយើងបានខិតខំប្រឹងប្រែងលើការប្រយុទ្ធប្រឆាំងអំពើជួញដូរមនុស្ស ហើយប៉ុន្នានឆ្នាំកន្លងមកនេះប្រទេសយើងបានដាក់នៅក្នុងប្រទេសតាមដាន(ឃ្លាំមើល Wacth list) តែមិនបានទទួលបានលទ្ធផលល្អនៅឡើយ។តែនៅក្នុងឆ្នាំ២០២២ នេះបានទំលាក់ចំណាត់អាក្រក់ដែលមិនមានឆន្ទះប្រឹងប្រែងលើការងារនេះឲបានល្អនៅឡើយទេ។ លោកជំទាវ បានថ្លែងថា អំពើជួញដូរមនុស្ស គឺជាវិបត្តិសកលមួយដែល បណ្តាប្រទេសជាច្រើនបានជួបប្រទះ។ ប្រទេស កម្ពុជា ក៏បានទទួលរងនូវវិបត្តិនេះ ដែលធ្វើឱ្យរាជរដ្ឋាភិបាល ក៏ដូចជាប្រជាពលរដ្ឋទាំងអស់មានការព្រួយបារម្ភជាខ្លាំង។ ទន្ទឹមនឹងនោះ រាជរដ្ឋាភិបាល ក៏ដូចជាដៃគូសហការទាំងអស់ ជាពិសេសអង្គការ ក្រៅរដ្ឋាភិបាលជាតិ និងអន្តរជាតិ បាននិងកំពុងខិតខំប្រឹងប្រែងរិះរកគ្រប់វិធានការ ក្នុងន័យរួមគ្នា ដោះស្រាយលើបញ្ហានេះ ឈានទៅសម្រេចបាននូវការលុបបំបាត់នូវអំពើជួញដូរមនុស្ស ព្រមទាំងបានរៀបចំនូវយន្តការការពារទៅលើប្រជាពលរដ្ឋទូទៅ ពលករ ធុរកិច្ចជន ភ្ញៀវជាតិ និងអន្តរជាតិគ្រប់ និន្នាការទាំងអស់ ដោយមិនប្រកាន់នូវជាតិ សាសនាអ្វីទាំងអស់។ យើងមិនដឹងថាខាងក្រសួងសង្គមកិច្ចមានទម្រង់បញ្ជូនសម្រាប់ជនរងគ្រោះឬក៏អត់ទេហើយខាងក្រសួងបានចុះ MOU ជាមួយភាគីថៃ(SOP)។ កន្លងមកយើងមានការកំណត់អត្តសញ្ញាណរបស់ជនរងគ្រោះ ដែលខាងសហរដ្ឋអាមេរិកបានដាក៎ឲជាអនុសាសន៌យកមកសម្រាប់អនុវត្តបន្តនៅកម្ពុជា។ សូមសិក្សារៀនសូត្រពីគ្រប់បណ្តាញទាំងអស់ដើម្បីជួយបំពេញបន្ថែមទៀតលើកិច្ចពិភាក្សាដើម្បីទទួលបានលទ្ធផលល្អ។កិច្ចពិភាក្សានេះមានអ្នកជំនាញមកពីខាងអង្គការមួយចំនួននិងក្រសួងជំនាញត្រូវបានឡើងធ្វើបទបង្ហាញចំនួន៥ផ្សេងៗគ្នានូវអ្វីដែលបានស្រាវជ្រាវរកឃើញចេញពីរបាយការណ៏កន្លងមក ៕
