បញ្ជាការដ្ឋានតំបន់ប្រតិបត្តិការសឹករងកំពង់ធំ ប្រគល់កុំព្យូទ័រ ម៉ាស៊ីនព្រីនធ័រ អំណោយដ៏ថ្លៃថ្លារបស់ឧត្តមសេនីយ៍ឯក ហ៊ុន ម៉ាណែត ជូនបណ្តាកងឯកភាពចំណុះ នឹងបំពាក់ឋានន្តរសក្តិថ្នាក់ អនុសេនីយ៍ជូននាយទាហាន

ភ្នំពេញ៖ នៅទីបញ្ជាការតំបន់ប្រតិបត្តិការសឹករងកំពង់ធំ នៅព្រឹកថ្ងៃទី១២ ខែកញ្ញា ឆ្នាំ២០២២ បានរៀបចំពិធីប្រគល់ កុំព្យូទ័រ ម៉ាស៊ីនព្រីន្ទធ័រ ដែលជាអំណោយដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃ កងយោធពលខេមរភូមិន្ទ មេបញ្ជាការកងទ័ពកងជើងគោក ជូនបណ្តាកងឯកភាពកងវរសេនាតូចទាំង២ ផ្នែកសឹករង ក្រុង-ស្រុកទាំង៩ ចំណុះឲ្យ បញ្ជាការដ្ឋានតំបន់ប្រតិបត្តិការសឹករងខេត្តកំពង់ធំ និងបំពាក់ឋានន្តរសក្តិថ្នាក់អនុសេនីយ៍ ចំនួន១២រូប ដែលពីធីនេះប្រព្រឹត្តទៅក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ ។

លោវរសេនីយ៍ទោ នូ វុទ្ធា នាយការិយាល័យទី១ តំបន់ប្រតិបត្តិការសឹករងកំពង់ធំ បានឡើងអានសេចក្តីសម្រេច ស្តីពីការដំឡើងឋានន្តរសក្តិថ្នាក់អនុសេនីយ៍ ជូននាយទាហានចំនួន១២រូប ចំណុះឲ្យបញ្ជាការដ្ឋានតំបន់ប្រតិបត្តិ ការសឹករងកំពង់ធំ ដោយតម្រូវតាមមុខដំណែងនិងតួនាទីភារកិច្ចរបស់នាយទាហាននៅកងវរសេនាតូចលេខ១និងកង វរសេនាតូចលេខ២ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ។

ឧត្តមសេនីយ៍ទោ សោម ស៊ុន បានសូមគោរពថ្លែងអំណរគុណយ៉ាងជ្រាលជ្រៅជាទីបំផុត ចំពោះឧត្តមសេនីយ៍ ឯក ហ៊ុន ម៉ាណែត អគ្គមេបញ្ជាការរងនៃ កងយោធពលខេមរភូមិន្ទ មេបញ្ជាការកងទ័ពជើងគោក ដែលបានឧបត្ថម្ភ កុំព្យូទ័រនិងម៉ាស៊ីនព្រីនធ័រ សម្រាប់បណ្តាកងឯកភាពចំណុះនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងការប្រើ ប្រាស់ក្នុងការងាររដ្ឋបាលនិងបណ្តាជំនាញក្នុងការងារយោធាព្រមទាំងការគ្រប់គ្រងទិន្នន័យផ្សេងៗផងដែរ។

ឧត្តមសេនីយ៍ទោ សោម ស៊ុន ក៏បានគោរពថ្លែងអំណរគុណ ចំពោះថ្នាក់ដឹកនាំគ្រប់លំដាប់ថ្នាក់ ដែលបានផ្ដល់ សេចក្ដីទុកចិត្តដំឡើងឋានន្តរសក្តិ ជូននាយទាហានថ្នាក់អនុសេនីយ៍ តម្រូវតាមក្របខណ្ឌដឹកនាំបញ្ជា របស់ថ្នាក់ដឹកនាំ កងវរសេនាតូចទាំង២ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។

ឧត្តមសេនីយ៍ទោ សោម ស៊ុន បានណែនាំដល់គ្រប់បណ្តាកងឯកភាព ដែលបានទទួលអំណោយកុំព្យូទ័រ ម៉ាស៊ីនព្រីនធ័រ របស់ឯកឧត្តមមេបញ្ជាការកងទ័ពជើងគោក ត្រូវខិតខំគ្រប់គ្រង ថែរក្សាប្រើប្រាស់កុំព្យូទ័រ និងម៉ាស៊ីនព្រីន ធ័រ ឲ្យបានត្រឹមត្រូវតាមការងាររបស់អង្គភាពនិងជំនាញរបស់ខ្លួន នៅតាមអង្គភាពនីមួយៗឲ្យបានត្រឹមត្រូវ ។ និងបាន ណែនាំដល់យោធិនថ្នាក់អនុសេនីយ៍ ដែលត្រូវបានថ្នាក់លើតែងតាំងឋានន្តរសក្តិថ្មីទាំង១២រូប ត្រូវយកចិត្តទុកដាក់ បំពេញតួនាទីភារកិច្ចរបស់ខ្លួនក្នុងការដឹកនាំនិងបម្រើអង្គភាពនីមួយៗ ដោយត្រូវយកអស់ពីកម្លាំងកាយចិត្ត ដើម្បីបម្រើ អង្គភាព ពិសេសត្រូវចងចាំឲ្យច្បាស់ថាយោធិនគ្រប់រូបត្រូវតែស្មោះត្រង់ដាច់ខាតចំពោះ ជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ ដែលនឹកនាំដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ៕