ឯកឧត្ដម កើត ឆែ អភិបាលរងរាជធានីភ្នំពេញ អញ្ជើញប្រកាសចូលកាន់មុខតំណែងអភិបាលរង នៃគណៈអភិបាលខណ្ឌច្បារអំពៅ
ភ្នំពេញ៖ ឯកឧត្ដម កើត ឆែ អភិបាលរងរាជធានីភ្នំពេញនៅព្រឹកថ្ងៃសុក្រ ទី០៩ ខែកញ្ញា ឆ្នាំ២០២២ តំណាងដ៏ខ្ពង់ខ្ពស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងពិធី “ប្រកាសចូលកាន់មុខតំណែងអភិបាលរង នៃគណៈអភិបាលខណ្ឌច្បារអំពៅ នៃរាជធានីភ្នំពេញ” នៅសាលាខណ្ឌច្បារអំពៅ។
ថ្លែងនៅក្នុងពិធីឯកឧត្ដម កើត ឆែ បានផ្តាំផ្ញើទៅកាន់លោកអភិបាលរងខណ្ឌថ្មី ត្រូវពង្រឹងរបៀបរបបធ្វើការងារ មានសាមគ្គីភាព និងឯកភាពផ្ទៃក្នុង ចូលរួមអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព” ចូលរួមពង្រឹងការផ្តល់សេវាសាធារណៈតាមយន្តការច្រកចេញចូលតែមួយ និងចូលរួមក្នុងសកម្មភាពការងារប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។
ក្នុងឱកាសនេះ ឯកឧត្ដម កើត ឆែ អភិបាលរងរាជធានីភ្នំពេញក៏បានបញ្ជាក់ពីតម្លៃនៃ « សន្តិភាព » ទៅកាន់អង្គពិធីទាំងមូល និងស្នេីឱ្យចងចាំក្នុងក្រអៅបេះដូងព្រមទាំងត្រូវអរគុណសម្តេចតេជោ ហ៊ុន សែន ដែលជាមគ្គទេសន៍ឯកនាំមកនូវសន្តិភាពជូនប្រជាជនកម្ពុជាគ្រប់រូប។ ដូច្នេះ យើងត្រូវការពារ និងថែទាំ « សន្តិភាព » នេះទោះក្នុងតម្លៃណាក៏ដោយ ព្រោះ « សន្តិភាព » ជាទ្រព្យសម្បត្តិមានតម្លៃមហាសាលដែលមិនអាចកាត់ថ្លៃបានដែលជាមូលដ្ឋានគ្រឹះក្នុងការអភិវឌ្ឍប្រទេសជាតិយេីងឱ្យរីកចម្រេីននាពេលបច្ចុប្បន្ន និងនាពេលអនាគត៕
