លោហៈធាតុរបស់ចិន ត្រូវបានរកឃើញនៅក្នុងយន្តហោះចម្បាំង Flagship របស់សហរដ្ឋអាមេរិក

សហរអាមេរិក៖មន្ទីរបញ្ចកោណបានអោយដឹងកាលពីថ្ងៃពុធថា ក្រសួងការពារជាតិអាមេរិកបានផ្អាកជាបណ្តោះអាសន្នរាល់ការដឹកជញ្ជូនយន្តហោះចម្បាំង F-៣៥ ទាំងអស់ បន្ទាប់ពីដឹងថាយន្តហោះចម្បាំងនេះមានសមាសធាតុផ្សំពីលោហធាតុដែលមានប្រភពនៅក្នុងប្រទេសចិន ដែលបំពានច្បាប់ទិញយករបស់សហព័ន្ធ។

នាយកដ្ឋានបានកត់សម្គាល់ថាហេតុផលនៅពីក្រោយការព្យួរនេះគឺមេដែកនៅក្នុងម៉ាស៊ីនដែលប្រើលោហៈធាតុ cobalt និង samarium ដែលមកពីប្រទេសចិន។ ពិសេសជាងនេះទៅទៀត មេដែកគឺជាផ្នែកមួយនៃម៉ាស៊ីន turbomachine ដែលផ្តល់ថាមពលដល់ starter/generator ដែលភ្ជាប់ដោយម៉ាស៊ីនរបស់យន្តហោះ។

យោងតាមមន្ទីរបញ្ចកោណ សម្ភារៈនេះមិនបង្កគ្រោះថ្នាក់អ្វីឡើយ។

ទោះបីជាយ៉ាងណាក៏ដោយ ដូចដែលវាឈរនាពេលបច្ចុប្បន្ន ច្បាប់របស់សហរដ្ឋអាមេរិក និងគោលនយោបាយមន្ទីរបញ្ចកោណហាមឃាត់ការប្រើប្រាស់លោហធាតុ និងយ៉ាន់ស្ព័រពីប្រទេសមួយចំនួន រួមទាំងប្រទេសចិន អ៊ីរ៉ង់ កូរ៉េខាងជើង និងរុស្ស៊ី។