ឯកឧត្តម វង សូត អញ្ជើញប្រកាសចូលកាន់មុខតំណែង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តបាត់ដំបង

ភ្នំពេញ៖ ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា នៅព្រឹកថ្ងៃទី៨ ខែកញ្ញា ឆ្នាំ២០២២ បានអញ្ជើញប្រកាសចូលកាន់មុខតំណែង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តបាត់ដំបង។

ពិធីខាងលើនេះក៏មានការចូលរួមពីឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាល នៃគណៈអភិបាលខេត្តបាត់ដំបងផងដែរ។

យោងតាមប្រកាស ស្ដីពីការតែងតាំង និងសម្រួលភារកិច្ចមន្រ្ដីរាជការ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា សម្រេច

-សម្រួលភារកិច្ចរបស់លោក គឹម តេង ឋានន្តរស័ក្ដិ ឧត្តមមន្រ្ដី ថ្នាក់លេខ៦ ពីប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបង ទៅជាអនុប្រធាននាយកដ្ឋានរដ្ឋបាល និងបុគ្គលិក នៃអគ្គនាយកដ្ឋានកិច្ចការរដ្ឋបាល និងហិរញ្ញវត្ថុ

-តែងតាំងលោក ភួង សិទ្ធិ ឋានន្ដរស័ក្ដិ ឧត្តមមន្រ្ដី ថ្នាក់លេខ៦ ជាប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបង ជំនួសលោក គឹម តេង ដែលទទួលភារកិច្ចថ្មី ៕