អភិបាលស្រុកភ្នំស្រុក ដឹកនាំមន្ត្រីជំនាញ នគរបាលនិងអាជ្ញាធរ ផ្សព្វផ្សាយពីការទប់ស្កាត់ជម្ងឺគ្រុនឈាម និងផ្ដល់ថ្នាំអាបែត ជូនប្រជាពលរដ្ឋ
ភ្នំពេញ៖ នារដូវវស្សាភ្លៀងធ្លាក់ជោគជាំនេះ បង្កឲ្យមានទឹកដក់បង្ករជាជម្រកសំបុកមូសខ្លា ដើម្បីមានវិធានការណ៍ទប់ស្កាត់នូវជម្ងឺគ្រុនឈាម ផ្តើមចេញពីមូសខ្លាញីខាំនោះ នៅថ្ងៃទី៥ ខែកញ្ញា ឆ្នាំ២០២២ លោកជូ បុត្រ អភិបាលនៃគណៈអភិបាលស្រុក ភ្នំស្រុក មានការចូលរួមពីលោក វ៉ាន់ ខៃ អនុប្រធានការិយាល័យប្រតិបត្តិស្រុកព្រះនេត្រព្រះ នគរបាលប៉ុស្តិ៍រដ្ឋបាល ក្រុមប្រឹក្សា ឃុំប៉ោយចារ និងលោកមេភូមិចំនួន០៥ ប្រជាពលរដ្ឋ ក្នុងឃុំប៉ោយចារ ស្រុកភ្នំស្រុក បានចុះផ្សព្វផ្សាយ ពីវិធានការណ៍ទប់ស្កាត់មូសខ្លាខាំ ដែលនាំឲ្យកើតជម្ងឺគ្រុនឈាន ។
លោកជូ បុត អភិបាល ស្រុកភ្នំស្រុក បានបញ្ជាក់ថា៖រដូវនេះគឺជារដូវវស្សា ភ្លៀងធ្លាក់ជោគជាំ បង្កឲ្យមានទឹកភ្លៀងដក់តាមគ្រឡុក សំបកកង់ឡាន កង់ម៉ូតូ ឬវត្ថុដែលអាចដក់ទឹកបាន ដែលជាជម្រកនិងសំបុកមូសខ្លាពង កូន មួយវិញទៀត មូសខ្លាញីគឺជាភ្នាក់ចម្លងនូវជម្ងឺគ្រុនឈាមយ៉ាងសាហាវ ។ ដើម្បីលុបបំបាត់ជម្រកមូសខ្លា គឺយើងត្រូវប្រមូលដូចជាសំបកកង់ឡាន កង់ម៉ូតូ ឬ វត្ថុដែលអាចដក់ទឹកភ្លៀងបាននោះកប់និងដុតចោលចំណែកគ្រឡុកសំបុកយើងត្រូវកាយដីលុប តាមពាងឬអាងទឹក ត្រូវចិញ្ចឹមត្រីក្រឹមឬដាក់ថ្នាំអាបែត សកម្មភាពនេះគឺយើងធ្វើដើម្បីបំផ្លាញមូសខ្លា និងបំបាត់ជម្រកមូសខ្លាពងកូន ។
ក្នុងកម្មវិធីនេះដែរអាជ្ញាធរក៏បានដើរដាក់អាថ្នាំអាបែតតាមលំនៅដ្ឋាននក្នុងភូមិទាំង០៥ ក្នុងឃុំប៉ោយចារនិងចែកថ្នាំអាបែតដល់ប្រជាពលរដ្ឋចំនួន២៦ការុង ដោយក្នុង ១ការុងទម្ងន់២០គ.ក្រ ៕
