ស្នងការខេត្តបន្ទាយមានជ័យ ជម្រុញដល់ថ្នាក់ដឹកនាំគ្រប់អង្គភាពត្រៀមកម្លាំង សម្ភារៈ មធ្យោបាយ ជួយសង្រ្គោះប្រជាពលរដ្ឋ ពេលមានទឹកជំនន់កើតឡើង

ភ្នំពេញ៖ ដោយមើលឃើញអំពីស្ថានភាពនៃអាកាសធាតុ ភ្លៀងធ្លាក់ជាបន្តបន្ទាប់ក្នុងភូមិសាស្ត្រនៃខេត្តបន្ទាយមានជ័យ ដើម្បីទ្រោលនឹងសភាពការណ៍គ្រោះមហន្តរាយដោយគ្រោះធម្មជាតិទឹកជំនន់កើតឡើងជាយហេតុណាមួយនោះកើតឡើង ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅព្រឹព្រឹកថ្ងៃទី០៥ ខែកញ្ញា ឆ្នាំ២០២២ បានជម្រុញដល់ថ្នាក់ដឹកនាំអង្គភាព កម្លាំងជំនាញការិយាល័យចំណុះស្នងការដ្ឋាន នគរបាលខេត្ត ត្រូវត្រៀមលក្ខណៈ ជាចាំបាច់ ដើម្បីដោះស្រាយ នូវរាល់សភាពការណ៍គ្រោះទឹកជំនន់មកដល់ ជួយសង្រ្គោះប្រជាពលរដ្ឋដែលលិចលង់ផ្ទះសំបែង ក៏ដូចជាការចុះជួយច្រូតកាត់ប្រមូលផលស្រូវដណ្តើមពីការបំផ្លាញដោយទឹកជំនន់ជូនប្រជាពលរដ្ឋយើងវិញ។

លោកឧត្តមសេនីយ៍ស្នងការ បានបញ្ជាក់ថា “ក្រសួងធនធានទឹកនិងឧតុនិយមកាលពីថ្ងៃទី៣០ ខែសីហា ឆ្នាំ២០២២បានចេញសេចក្តីដំណឹង ស្តីពីធាតុអាកាសចាប់ពីថ្ងៃទី៣១ ខែសីហា ដល់ថ្ងៃទី០៦ ខែកញ្ញា ឆ្នាំ២០២២ ហើយនៅក្នុងសេចក្តីជូនដំណឹងដដែរ បានបញ្ជាក់ថា នៅព្រះរាជាណាចក្រកម្ពុជា ទទួលឥទ្ធិពលខ្សោយ ពីជ្រលងសម្ពាធទាបឥណ្ឌា និងខ្សល់មូសុងនារតីបក់ក្នុងកម្រិតខ្សោយទៅធម្យម នៅចន្លោះថ្ងៃទី០៣ដល់0៥ ខែកញ្ញា កម្ពុជាទទួលឥទ្ធិពលពីជ្រលងនៃប្រព័ន្ធសម្ពាធទាប (ITCZ ) អូសបន្លាយភាគខាងជើងនៅថៃ-ឡាវនិងវៀតណាម ស្ថានភាពបែបនេះនឹងធ្វើឲ្យ ទី/-តំបនទំនាបកណ្តាល សីតុណ្ហាភាពអប្បរិមា មានពី២៣ទៅ២៦អង្សាសេនិងសីតុណ្ហាភាពអតិបរិមាមានពី៣២ដល់៣៥ អង្សាសេ នឹងអាចមានភ្លៀងក្នុងកម្រិតពីខ្សោយទៅធម្យម ជាមួយគ្នានោះផ្នែកខ្លះនៅបណ្តាខេត្ត នាភាគកណ្តាលនិងភាគពាយ័ព្យអាចមានភ្លៀងដោយអន្លើក្នុងកម្រិតបង្គួរលាយឡំទៅដោយផ្គររន្ទះ ។ទី/-តំបនខ្ពង់រាប សីតុណ្ហាភាពអប្បរិមា មានពី២២ទៅ២៥អង្សាសេនិងសីតុណ្ហាភាពអតិបរិមាមានពី៣២ដល់៣៥ អង្សាសេ អាចមានភ្លៀងក្នុងកម្រិតពីតិចទៅមធ្យម ជាមួយគ្នានោះផ្នែកខ្លះអាចភ្លៀងដោយអន្លើក្នុងកម្រិតបង្គួរលាយឡំទៅដោយផ្គររន្ទះនិងទី៣/-តំពន់មាត់សមុទ្រ មានសីតុណ្ហាភាពអប្បរិមា មានពី២៣ទៅ២៥អង្សាសេនិងសីតុណ្ហាភាពអតិបរិមាមានពី៣១ដល់៣៣ អង្សាសេនឹងអាចមានភ្លៀងពីខ្សោយទៅមធ្យម លាយឡំទៅដោយផ្គររន្ទះ ។ដូច្នេះកងម្លាំងយើងក្នុងការិយាល័យជំនាញទាំងអស់ ក៏ដូចជាតាម បណ្តា អធិការដ្ឋាននគរបាល ស្រុក ក្រុង ទាំង០៩និងវរសេនាតូចទាំង០៤ ត្រូវយកចិត្តទុកដាក់ត្រៀម ទាំងកម្លាំង សម្ភារៈ មធ្យោបាយ ជាប្រចាំ ជាងនេះទៀតត្រូវបង្ហាត់បង្រៀនកម្លាំងឲ្យចេះបើកបរកាណូត ឲ្យបានស្ទាត់ជំនាញ ពេលចុះប្រតិបត្តិការដំណើរទៅដោយរលូន”៕