សាខាកាកបាទក្រហមកម្ពុជា ខេត្តកោះកុង ចុះជួយសាងសង់ផ្ទះគ្រួសារងាយរងគ្រោះ ១គ្រួសារ នៅក្រុងខេមរភូមិន្ទ
ភ្នំពេញ៖ នៅព្រឹកថ្ងៃសុក្រ ទី២ ខែកញ្ញា ឆ្នាំ២០២២ លោកជំទាវ មិថុនា ភូថង ប្រធានគណៈកម្មាធិការសាខាខេត្ត តំណាងដោយឯកឧត្តម លី សារ៉េត អនុប្រធានគណៈកម្មាធិការសាខា លោកនាយកសាខា និងសហការី បានដឹកនាំកម្លាំង អ្នកស្ម័គ្រចិត្ត និងយុវជនកាកបាទក្រហមកម្ពុជា សហការ ជាមួយអាជ្ញាធរមូលដ្ឋាន បានចុះជួយសាងសង់ផ្ទះជូនគ្រួសារងាយរងគ្រោះ ១គ្រួសារផ្ទះ ឈ្មោះ លី វឿន ភេទប្រុស អាយុ៦១ឆ្នាំ ស្ថិតនៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង ។
ចំពោះសម្ភារៈគ្រឿងផ្ទះ ដែលបានប្រគល់ជូន គឺជាថវិកាមូលនិធីសាខា កក្រក ខេត្ត បានទទួលមកពីសប្បុរជនគ្រប់មជ្ឍដ្ឋាន ក្នុងការចូលរួមចំណែកការងារមនុស្សធម៌ ដើម្បីជួយសម្រាលទុក្ខលំបាករបស់បងប្អូន។
សូមបញ្ជាក់ថា គម្រោងសាងសង់ផ្ទះនេះជាផ្ទះទី៤ ដែលសាខាខេត្ត បានផ្តល់ជូនដល់គ្រួសារចាស់ជរា គ្រួសារងាយរងគ្រោះគ្មានទីពឹង៕
