អ្នកជំនាញប្រមាណ១០រូបនឹងចូលរួមចែករំលែកបទពិសោធន៍ ក្នុងវេទិកាម្ចាស់អាជីវកម្មក្រោយកូវីដ-១៩និងរលកសេដ្ឋកិច្ចសាកលថ្មី ដែលនឹងប្រព្រឹត្តទៅនៅថ្ងៃទី០៣ខែកញ្ញា ឆ្នាំ២០២២ខាងមុខនេះ

ភ្នំពេញ៖ ក្រុមអ្នកជំនាញខាងសេដ្ឋកិច្ចនៅកម្ពុជា នឹងរៀបចំវេទិកាម្ចាស់អាជីវកម្មក្រោយកូវីដ- ១៩ និងរលកសេដ្ឋកិច្ចសាកលថ្មី នៅថ្ងៃទី ០៣ ខែកញ្ញា ឆ្នាំ២០២២ខាង មុខនេះ នៅសណ្ឋាគារភ្នំពេញដើម្បីផ្តល់ព័ត៌មានដល់ម្ចាស់អាជីវកម្មពីដំណើរអភិវឌ្ឍន៍វិស័យSME បញ្ហាសេដ្ឋកិច្ចពិភពលោក សេដ្ឋកិច្ចតំបន់ និងផែនការសំខាន់ៗរបស់រាជរដ្ឋាភិបាលក្នុងការជួយដល់វិស័យសេដ្ឋកចិ្ចកម្ពុជា។

ថ្លែងក្នុងសន្និសីទសារព័ត៌ មាន ស្តីពីវេទិកាម្ចាស់អាជីវ កម្មកម្ពុជានាព្រឹកថ្ងៃទី២៩ ខែ សីហា ឆ្នាំ២០២២ នេះ លោកកឹម អឿន ស្ថាបនិក និងអគ្គ នាយកសហគ្រាសអប់រំហូមឌូខេសិនបានមានប្រសាសន៍ថាវេទិកានេះធ្វើឡើងក្នុងគោល បំណង៖ ផ្តល់ព័ត៌មានដល់អាជីវករថាទៅថ្ងៃអនាគត SMEមានដំណើរអភិវឌ្ឍន៍ទៅណា? សេដ្ឋកិច្ចពិភព លោកទៅណា? សេដ្ឋកិច្ចតំបន់ សេដ្ឋកិច្ចប្រទេសកម្ពុជាកំពុងតម្រង់ទៅណា? ហើយបានជះឥទ្ធិពលអ្វីខ្លះទាំងវិជ្ជមានទាំងអវិជ្ជមានមកលើម្ចាស់អាជីវកម្ម។ លើសពីនេះ នឹងជួយឱ្យអាជីវករត្រៀមខ្លួនការប្រឈមបន្ទាប់ពីវិបត្តិកូវីដ-១៩ និងការធ្លាក់ចុះនៃសេដ្ឋកិច្ចនៅខាងមុខនេះ និងត្រៀមខ្លួនដើម្បីចាប់យកឱកាសផងដែរ។

សំឡេង៖ «ព្រឹត្តិការណ៍ថ្ងៃទី ៣ ខែ៩ គឺជាវេទិកាសំខាន់សម្រាប់ម្ចាស់អាជីវកម្មទាំង អស់ទទួលនូវព័ត៌មានពីរាជ រដ្ឋាភិបាលថា តើលោកមានគោលនយោបាយថ្មីអ្វីខ្លះ ? តើរាជរដ្ឋាភិបាលមានស្ថាប័នណាខ្លះកំពុងតែដុតដៃដុតជើង ជួយម្ចាស់អាជីវកម្មយើងទាំង អស់គ្នា ហើយថាតើខ្យល់សេដ្ឋកិច្ចពិភពលោកវាបាននាំមកនូវអ្វីខ្លះ ហើយការអភិវឌ្ឍបណ្តាញហេដ្ឋារចនា សម្ព័ន្ធតាមបណ្តាខេត្តនានា នឹងបាននាំមកនូវផលចំណេញអ្វីខ្លះដល់សេដ្ឋកិច្ចជាតិ និងអាជីវកម្មរបស់យើង។ ក្នុងនោះយើងក៏មាន ឱកាសជជែកគ្នាពីការអភិវឌ្ឍអាជីវកម្មឱ្យរីកចម្រើនផងដែរ»។

Home ducationត្រូវបានបង្កើតឡើងក្នុងគោលបំណងដោះ ស្រាយបញ្ហាខាងលើដោយ ប្រយោល និងដោះស្រាយបញ្ហាអាយុជីវិតរបស់អាជីវកម្មគឺ “ទីផ្សារនិងការលក់” “ហិរញ្ញវត្ថុ “និង “មនុស្ស“ សម្រាប់អាជីវកម្មខ្នាតតូចនិងមធ្យម（SME）ដោយផ្ទាល់កម្មវិធីនេះក៏ជាវេទិកាសម្រាប់អាជីវករបង្ហាញខ្លួននិងផ្សព្វ ផ្សាយផលិតផល ព្រមទាំងផ្តល់ព័ត៌មានពីយន្តការគាំពារនិងគោលនយោបាយរបស់ស្ថាប័នអន្តរជាតិ និងរាជរដ្ឋាភិបាល។

សូមបញ្ជាក់ថា វេទិកានេះនឹងត្រូវធ្វើឡើងពេញមួយថ្ងៃ ដែលរំពឹងថាអ្នកចូលរួមមាន៖ សមាគមអាជីវកម្ម អ្នករៀបចំគោលនយោបាយ ធនាគារ អ្នករកស៊ីម្ចាស់អាជីវកម្ម ម្ចាស់ជំនួយ ស្ថាប័នពាក់ព័ន្ធ និងមានអ្នកជំនាញប្រហែលជា ១០រូបនិងមកធ្វើការចែក រំលែក និងមានការជជែកវែកញែកច្រើនដោយមានប្រធានបទផ្សេងៗគ្នាទាក់ទងជារួមអំពីការប្រឈមនិងឱកាសក្រោយកូវីដនិងបន្ទាប់ពីរលកសេដ្ឋកិច្ចដែលជះមកលើយើង គោលនយោបាយរបស់រាជរដ្ឋាភិបាលបានត្រៀមអ្វីខ្លះនៅក្នុងការជួយSME អាជីវករគួរត្រៀមខ្លួនដូចម្តេចដើម្បីដើរស្របទៅជាមួយរាជរដ្ឋាភិ បាល ហើយសេដ្ឋកិច្ចទូទៅបានជះឥទ្ធិពលអ្វីខ្លះទាំងវិជ្ជមានទាំងអវិជ្ជមានមកលើម្ចាស់អាជីវកម្ម ជាពិសេសនៅពេលដែលមានសង្គ្រាមនៅប្រទេសរុស្សីនិងអ៊ុយក្រែនជាដើម៕