កូនអកត្តញូ! ខឹងឪពុកប្រើទៅច្រូតស្មៅគោ ទាញពូថៅកាប់ឪពុករងរបួសធ្ងន់ នៅស្រុកតាលោសែនជ័យ

ពោធិសាត់៖ កូនអកត្តញូម្នាក់ត្រូវបានកម្លាំងនគរបាលប៉ុស្តិ៍រដ្ឋបាលតាលោឃាត់ខ្លួនតាមពាក្យបណ្តឹងរបស់ឪពុកដោយសារកូនអកត្តញូរបស់ខ្លួនទាញពូថៅកាប់ទៅលើរូបគាត់អោយរងរបួសធ្ងន់ដោយមូលហេតុខឹងនិងឪពុកបានប្រើខ្លួនអោយទៅច្រូតស្មៅគោ។

ហេតុការណ៍នោះបានកើតឡើងកាលពីវេលាម៉ោង ៨ និង ៣០ នាទីព្រឹកថ្ងៃទី ២៣ ខែ សីហា ឆ្នាំ ២០២២ ស្ថិតនៅនិងផ្ទះជនរងគ្រោះក្នុងភូមិព្រៃកន្ទួត ឃុំតាលោ ស្រុកតាលោសែនជ័យ ខេត្តពោធិសាត់។

តាមរបាយការណ៍របស់អធិការដ្ឋាននគរបាលស្រុកតាលោសែនជ័យបានអោយដឹងថា ជនសង្ស័យដែលសមត្ថកិច្ចនគរបាលឃាត់ខ្លួនបាននោះមានឈ្មោះគគុណ សំណាង ភេទប្រុសអាយុ ២២ ឆ្នាំរស់នៅភូមិព្រៃកន្ទួត ឃុំតាលោ ស្រុកតាលោសែនជ័យ ខេត្តពោធិសាត់ ចំណែកឪពុកជាជនរងគ្រោះមានឈ្មោះគីម គុណភេទប្រុសអាយុ ៥៤ ឆ្នាំរស់នៅក្នុងភូមិឃុំជាមួយគ្នា។

បច្ចុប្បន្ន ជនសង្ស័យកំពុងកសាងសំណុំរឿងចាត់ការទៅតាមនិតិវិធី៕