**ឧបនាយករដ្ឋមន្ត្រី ហង់ជួន ណារ៉ុន អញ្ជើញសំណេះសំណាលជាមួយបុគ្គលិកអប់រំ នៃមន្ទីរអប់រំ យុវជន និងកីឡា ខេត្តកំពង់ធំ**អភិបាលខេត្តកំពត ណែនាំពលរដ្ឋបីចំណុច ដើម្បីពន្លឿនការវាស់វែង និងចុះបញ្ជីដីធ្លីមានលក្ខណៈជាប្រព័ន្ធ**អ្នកភូមិចំណុះជើងវត្តអាធ្វា រៀបចំពិធីបុណ្យឆាន់ដា និងពិសាខបូជា នៅទួលតាមមឿង តាមទំនៀមបុរាណ**ឯកឧត្តម សួស យ៉ារ៉ា អញ្ជើញជួបប្រជុំពិភាក្សាជំរុញការរៀបចំសភាអេឡិចត្រូនិក (E-Parliament)**ទេសរដ្ឋមន្ត្រី ប៉ែន វិបុល ចូលរួមពីធីប្រកាសដាក់ឱ្យអនុវត្តជាផ្លូវការ ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកល នៅកម្ពុជា ឆ្នាំ២០២៤-២០៣៥**លទ្ធផលនៃការស្ទង់មតិរបស់បណ្តាញCGTN៖ អ្នកផ្តល់បទសម្ភាសន៍ចំនួន៩០,២១% ជុំវិញពិភពលោកថ្កោលទោសយ៉ាងខ្លាំងចំពោះសុន្ទរកថាដ៏គ្រោះថ្នាក់របស់មេដឹកនាំតំបន់តៃវ៉ាន់របស់ចិន**កាសែតរូបភាពAI ត្រីខយហែលក្នុងទឹកស្ទឹងដ៏ថ្លាឆ្វង់**បទវិភាគ៖ តើអ្វីទៅជា«គោលការណ៍ចិនតែមួយ» ?**រដ្ឋបាលខេត្តស្វាយរៀង រៀបចំពិធីសម្ពោធដាក់ឲ្យប្រើប្រាស់ជាផ្លូវការ អគារស្នាក់ការប៉ុស្តិ៍នគរបាលរដ្ឋបាលចំនួន៥ ដែលជាអំណោយដ៏ថ្លៃថ្លារបស់ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ**អគ្គស្នងការរងនគរបាលជាតិ ដឹកនាំកិច្ចប្រជុំផ្សព្វផ្សាយសេចក្តីសម្រេច ស្តីពីការកែសម្រួលសមាសភាពក្រុមបេសកកម្មស្រាវជ្រាវ ស៊ើបអង្កេត ទប់ស្កត់ បង្ក្រាបបទល្មើសធនធានធម្មជាតិ និងទប់ស្កាត់ការកាប់រានទន្ទ្រានដីរដ្ឋ**សម្តេចធិបតី៖ ការដាក់ឲ្យអនុវត្ត ផែនទីបង្ហាញផ្លូវឆ្ពោះទៅការគ្របដណ្តប់ សុខភាពជាសកលនៅកម្ពុជា ជាការបោះជំហានដ៏ស្វាហាប់ប្រកបដោយមោទនភាព**ឯកឧត្តម ស្វាយ សំអ៊ាង អំពាវនាវឲ្យអង្គបោះឆ្នោតទាំងអស់ បោះឆ្នោតគាំទ្របក្សប្រជាជន ដើម្បីបន្តចូលរួមថែរក្សាសុខសន្តិភាព និងការអភិវឌ្ឍន៍ប្រទេស**សម្តេចធិបតី ហ៊ុន ម៉ាណែត៖ ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា បានកំណត់គោលដៅជាក់លាក់ចំនួន៣**ប្រមុខរាជរដ្ឋាភិបាល៖ ការធ្វើទំនើបកម្មសុខាភិបាល មិនអាចមានតែនៅភ្នំពេញ​ទេ គឺត្រូវ​រុញឲ្យដល់​ជនបទ**សម្តេចធិបតី៖ ប្រទេសរីកចម្រើន តម្លៃថ្លៃសេវាសុខាភិបាល ក៏ត្រូវតែឡើងថ្លៃ តាមការធ្វើទំនើបកម្ម ប៉ុន្តែត្រូវរកវិធីទប់កុំឲ្យលុយពលរដ្ឋ ចេញពីហោប៉ៅខ្ពស់ពេក**នាយឧត្តមសេនីយ៍ វង្ស ពិសេន ជួបសំណេះសំណាលជាមួយនាយទាហានជាន់ខ្ពស់ចំណុះអគ្គបញ្ជាការដ្ឋាន**សម្តេចធិបតី អំពាវនាវឲ្យមិត្តបរទេស ដែលមកណែនាំកម្ពុជា កុំប្រើច្បាប់ដើម្បីបិទសំឡេង តែគួរណែនាំអ្នកធ្វើខុសច្បាប់កុំឲ្យរំលោភច្បាប់**ឧបនាយករដ្ឋមន្ត្រី សុខ ចិន្តាសោភា អញ្ជើញចេញដំណើរទៅបំពេញទស្សនកិច្ចផ្លូវការនៅប្រទេសចិន និងប្រទេសតួកគី ព្រមទាំងចូលរួមកិច្ចប្រជុំសហគ្រិនហ្វ្រង់កូហ្វូន លើកទី៤ នៅប្រទេសម៉ារ៉ុក**ឯកឧត្តម សូ មុនីរក្សា ដឹកនាំកិច្ចប្រជុំ ស្តីពីការរៀបចំកម្មវិធីបណ្តុះបណ្តាលសម្រាប់រដ្ឋបាលថ្នាក់ក្រោមជាតិ**ឧត្តមមន្ត្រីអាស៊ានរបស់កម្ពុជា អញ្ជើញចូលរួមកិច្ចប្រជុំឧត្តមមន្ត្រីអាស៊ាន-កាណាដាលើកទី២១ នៅទីក្រុងអូតាវ៉ា

ឯកឧត្តម ស សុខា អញ្ជើញសំណេះសំណាល និងពិសាអាហារសាមគ្គីជាមួយគណៈកម្មការសិក្សាស្រាវជ្រាវ រៀបចំតាក់តែងច្បាប់គ្រប់គ្រងអនុវិស័យអប់រំកាយ និងកីឡា

ភ្នំពេញ៖ ឯកឧត្តម ស សុខា ក្នុងនាមប្រធានគណៈកម្មការសិក្សាស្រាវជ្រាវ រៀបចំតាក់តែងច្បាប់គ្រប់គ្រងអនុវិស័យអប់រំកាយ និងកីឡា និងភរិយា និងជាតំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នៅល្ងាចថ្ងៃទី១៨ ខែសីហា ឆ្នាំ២០២២នេះ បានជួបសំណេះសំណាល និងពិសាអាហារសាមគ្គីជាមួយឯកឧត្តម លោកជំទាវ អស់លោក លោកស្រី អនុប្រធាន ផ្នែកជំនាញ សមាជិក សមាជិកាគណៈកម្មការសិក្សាស្រាវជ្រាវ រៀបចំតាក់តែងច្បាប់គ្រប់គ្រងអនុវិស័យអប់រំកាយ និងកីឡា ។

ឯកឧត្តម ស សុខា បានអរគុណយ៉ាងជ្រាលជ្រៅចំពោះការបំពេញកិច្ចការងារប្រកបដោយការទទួលខុសត្រូវ របស់គណៈកម្មការសិក្សាស្រាវជ្រាវ រៀបចំតាក់តែងច្បាប់គ្រប់គ្រងអនុវិស័យអប់រំកាយ និងកីឡា ដែលបានបញ្ចប់សេចក្ដីព្រាង នៃការតាក់តែងច្បាប់នេះ ជាស្ថាពរ និងបញ្ជូនទៅកាន់ស្ថាប័នជំនាញ ។

ក្នុងនោះដែរ ឯកឧត្តម ស សុខា ក៏សូមថ្លែងអំណរគុណឯកឧត្តម លោកជំទាវ អស់លោក លោកស្រី អនុប្រធាន និងសមាជិក សមាជិកាគណៈកម្មការសិក្សា ស្រាវជ្រាវ តាក់តែងច្បាប់អនុគ្រប់គ្រងវិស័យអប់រំកាយ និងកីឡា ព្រមទាំងភាគីពាក់ព័ន្ធទាំងអស់ ដែលបានដឹកនាំ និងចូលរួមអង្គប្រជុំប្រមាណ ១២៦លើក ជុំវិញការរៀបចំតាក់តែងច្បាប់កីឡានេះ ដោយចាប់តាំងពីខែកុម្ភៈ ឆ្នាំ២០១៩ រហូតដល់ដើមឆ្នាំ២០២២ ។ នេះជាភាពជោគជ័យមួយជំហាន ស្របតាមផែនការរបស់ក្រសួងអប់រំ យុវជន និងកីឡា ។

ឯកឧត្តម ស សុខា បានលើកឡើងថា ជាការពិតណាស់ ការតាក់តែងច្បាប់គ្រប់គ្រងអនុវិស័យអប់រំកាយ និងកីឡា គឺជាមូលដ្ឋានគ្រឹះសម្រាប់អត្តពលិកជំនាន់ក្រោយ ក្នុងការស្រាវជ្រាវ ការងារគ្រប់គ្រងអង្គការកីឡា ការគ្រប់គ្រងសកម្មភាពហាត់ប្រាណ និងលេងកីឡានៅតាមគ្រឹះស្ថានសិក្សា ការគ្រប់គ្រងសកម្មភាពហាត់ប្រាណ និងលេងកីឡា ការគ្រប់គ្រងការរៀបចំការប្រកួត និងព្រឹត្តិការណ៍កីឡា ការគ្រប់គ្រងកីឡាករម្រិតខ្ពស់ ការបណ្ដុះបណ្ដាលធនធានមនុស្ស ការគ្រប់គ្រងហិរញ្ញវត្ថុកីឡា ក្រមសីលធ៌មកីឡា ការដោះស្រាយវិវាទកីឡា និងការងារពាក់ព័ន្ធនានាក្នុងវិស័យកីឡារបស់ជាតិយើងជាដើម ។

ច្បាប់គ្រប់គ្រងអនុវិស័យអប់រំកាយ និងកីឡា ដែលមាន ១២ជំពូក ៣១៦មាត្រា និង ៣២ផ្នែក គឺជារបស់កម្ពុជា និងត្រូវតែមានមោទកភាពសម្រាប់អ្នកបន្តវេនរបស់យើង ។

ការតាក់តែងចងក្រងច្បាប់គ្រប់គ្រងវិស័យអប់រំកាយ និងកីឡា គឺជាយន្តការនៃការកែទម្រង់ស៊ីជម្រៅមួយក្នុងការងារគ្រប់គ្រងវិស័យអប់រំកាយ និងកីឡា និងធ្វើឱ្យការងារគ្រប់គ្រងវិស័យអប់រំកាយ និងកីឡា កាន់តែមានលក្ខណៈត្រឹមត្រូវ និងខិតជិតទៅនឹងនិយាមនៃស្តង់ដារអន្តរជាតិ មិនតែប៉ុណ្ណោះធ្វើឲ្យវិស័យនេះ កាន់តែបានដើរតួនាទីយ៉ាងសំខាន់ ជាពិសេសគឺជាបេសកកម្មក្នុងការបម្រើសេវាសាធារណៈជូនដល់ប្រជាពលរដ្ឋ សិស្ស និស្សិត ឲ្យកាន់តែមានប្រសិទ្ធភាព ។ ច្បាប់នេះនឹងក្លាយជាប្រទីបមួយ ជួយរួមចំណែបំភ្លឺផ្លូវបន្ថែមទៀត ក្នុងដំណើរឆ្ពោះទៅរកភាពជោគជ័យរបស់កម្ពុជា នាឆ្នាំ២០២៣ ពេលកម្ពុជា ទទួលធ្វើជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេម លើកទី៣២ និងជាលើកដំបូងក្នុងប្រវត្តិសាស្ត្រ នៃព្រះរាជាណាចក្រអច្ឆរិយរបស់យើង៕

អត្ថបទដែលជាប់ទាក់ទង